O'zbekiston OTJ nazorat uchrashuvida Ummonni yirik hisobda mag'lub etdi
29 iyu 2018 11:38
Yangiliklar

O'zbekiston OTJ nazorat uchrashuvida Ummonni yirik hisobda mag'lub etdi

O'zbekiston olimpiya terma jamoasi 2018 yilning 18 avgustidan 2 sentyabrga qadar Indoneziyada bo'lib o'tadigan Yozgi Osiyo o'yinlariga tayyorgarlik ko'rish maqsadida Turkiyaning Kartepe shahrida o'quv-mashg'ulot yig'inini o'tkazayotgani haqida avval xabar berib o'tgandik.

Yig'in davomida Ravshan Haydarov shogirdlari Ummon olimpiya terma jamoasiga qarshi nazorat uchrashuvida maydonga tushishdi.

O'yin davomida to'liq ustunlik vakillarimiz tarafida bo'ldi va yakunda O'zbekiston olimpiya terma jamoasi Ummonni 3-0 hisobida mag'lubiyatga uchratdi.

Terma jamoamiz tarkibida gollarni Aziz Turg'unboev, Zabihillo O'rinboev hamda Jasur Yaxshiboevlar kiritishdi. Olimpiya terma jamoamiz Ummon OTJga qarshi o'yinni quyidagi tarkibda o'tkazdi:

O'zbekiston OTJ: Rahim Davronov (Umid Ergashev, 70), Doston Tursunov, Abbos Otaxonov, Akrom Komilov (Husniddin G'ofurov, 82), Doniyor Narzullaev (Islom Kenjaboev, 82), Xurshid G'iyosov (Oston O'runov), Jasur Yaxshiboev (Islom Qobilov, 82), Aziz Turg'unboev (Bobur Abduholiqov, 62), Zabihillo O'rinboev (Andrey Sidorov, 70), Ikrom Aliboev (Oybek Rustamov, 82).