O'zbekiston futbol associaciyasining Evropadagi vakili tayinlandi

Bu borada futboli rivojlangan mamlakatlar tajribasidan unumli foydalanish maqsadida bir qator Evropa mamlakatlari futbol associaciyalari bilan yaqin hamkorlik yo'lga qo'yilganidan yaxshi xabardorsiz.

Evropa futbolini yaqindan o'rganish, Evropa futbol associaciyalari va kuchli jamoalari bilan hamkorlikni yanada kuchaytirish maqsadida O'FA Evropada o'z vakilini tayinlashga qaror qildi. Unga ko'ra Dilshod Ruzmetov O'zbekiston Futbol Associaciyasining Evropadagi vakili etib tayinlandi.

O'zbekiston Futbol Associaciyasi vakilining Evropadagi asosiy vazifalari quyidagilardan iborat bo'ladi:

• Futbolchilar, murabbiylar, tibbiyot xodimlari va menedjerlar tayyorlashning (keyinchalik O'zbekistonda qo'llashga mo'ljallangan) zamonaviy Evropa texnologiyasi va nazorati uslublarini o'zida aks ettirgan tajriba va malumotlarni to'plash;

•Evropa Futbol Federaciyalarining O'zbekiston Futbol Associaciyasi bilan hamkorlikka bo'lgan qiziqishlari haqidagi barcha malumotlarni jamlash;

•O'zbek futbolining raqobatbardoshlik qobiliyatini oshirish va O'zbekiston terma jamoasi hamda professional klublarining nufuzli xalqaro musobaqalardagi natijalarini yaxshilash maqsadida, tajribali xorij ekspertlari va mutaxassislarini O'zbekistonda master klasslar o'tkazishga jalb qilish;

•O'zbekiston Futbol Associaciyasi va xalqaro futbol tashkilotlarining o'zaro amaliy uchrashuvlarini tashkil etish ishlarida ishtirok etish.

Malumot uchun Dilshod Ruzmetov 1979 yilda tug'ilgan. Jahon Iqtisodiyoti va Diplomatiya Universitetida tahsil olgan. Xalqaro huquq bo'yicha bakalavr va magistr darajasiga ega. SHuningdek, Bremen (Germaniya) Universitetining Evropa va Xalkaro huquq bo'yicha master darajali (LL.M.EUR) bitiruvchisi. O'zbek, rus, ingliz va nemis tillarini mukammal biladi.