O'zbekiston chempionatining final uchrashuvlari 3-6 aprel kunlari o'tkaziladi

Mavsumning eng muhim bahslari hisoblangan final bellashuvlari “O'zbekiston” sport majmuasida o'tkaziladi.

Habaringiz bor, chempionlik uchun bahslar Toshkentning “Lokomotiv” hamda Qarshining “Do'stlik-AIN” jamoalari o'rtasida kechadi. Ayni damda O'zbekiston chempionatining amaldagi g'olibi hisoblangan “temiryo'lchilar”, chempionlik unvonini o'zlarida saqlab qolish niyatida bo'lsa, musobaqa debyutanti “Do'stlik-AIN” o'z tarihida birinchi bor mamlakat chempionatining bosh sovrini uchun kurashadi.

Aytish joiz, 2 bosqichdan iborat bo'lgan O'zbekiston chempionatining birinchi bosqichini “Lokomotiv” jamoasi 1-o'rinda yakunlagan. O'z navbatida “Do'stlik-AIN” pley-off bosqichiga 6-o'rinni qo'lga kiritib yo'l olgan. Ammo “Lokomotiv”ning mavsumdagi ilk mag'lubiyati aynan “Do'stlik-AIN”ga qarshi kechgan uchrashuvda qayd etilgan. 11-tur doirasida kechgan bahs “Do'stlik-AIN” jamoasining 4:2 hisobidagi g'alabasi bilan yakun topgan.

Mavsumning bronza medali sohibi 4-6 aprel kunlari aniqlanadi. CHempionatning 3-o'rini uchun bellashuvda poytaxtning “Bunyodkor” hamda Andijonning “Turon-S” jamoalari to'qnashadi. Takidlab o'tish lozim, o'zaro uchrashuvlarda 2ta g'alabani qo'lga kiritgan jamoa 3-o'rin egasiga aynlanadi.

O'z navbatida, finalchilardan biri 3ta g'alabaga erishgach, mamlakat chempioni unvonini qo'lga kiritadi.

O'ZBEKISTON CHEMPIONATI
 FINAL
 3 aprel, payshanba
18:00. Lokomotiv – Do'stlik-AIN

4 aprel, juma
 18:00. Do'stlik-AIN– Lokomotiv

5 aprel, shanba
 18:00. Lokomotiv – Do'stlik-AIN

6 aprel, yakshanba
Qo'shimcha uchrashuv
 18:00. Do'stlik-AIN – Lokomotiv

3-o'rin uchun o'yin
 4 aprel, juma
 15:00. Bunyodkor – Turon-S

5 aprel, shanba
 15:00 Turon-S – Bunyodkor

6 aprel, yakshanba
 Qo'shimcha uchrashuv
 15:00. Bunyodkor – Turon-S