O'smirlar birinchiligi: Musobaqalar aprelda boshlanadi

SHulardan biri Superliga va Pro-liga klublari qoshidagi futbol Akademiyalari va futbol maktablari tarbiyalanuvchilari ishtirokidagi Respublika birinchiligidir.

Bu yil ilk bor 14, 16 va 18 yoshlilar o'rtasidagi musobaqa Respublika miqyosida tashkillashtirilmoqda. Hatto 10 yoshli bolalar o'rtasidagi rasmiy musobaqa Festival sifatida o'tkazilishi ham rejalashtirilgan.

U-16 va U-18 yoshdagi o'smirlar birinchiligida Superliga klublari qoshidagi futbol Akademiyalari tarbiyalanuvchilari to'p surishadi. Aprel oyining o'rtalarida start olib, to noyabr oyigacha davom etadigan musobaqada 12ta jamoa uy-safar tizimida ikki davraviy bahslarda qatnashishadi.

U-16 yoshdagilar o'rtasidagi o'yinlar Pro-liga klublarining futbol maktablari tarbiyalanuvchilari o'rtasida ham tashkillashtiriladi. Turnir ikki bosqichdan iborat bo'ladi. Birinchi bosqich o'yinlari mintaqaviy tarzda tashkil etiladi, ikkinchi final bosqichi esa markazlashgan holda uyushtiriladi. Final bosqichi manzili keyinroq malum bo'ladi. Birinchilik aprel oyi o'rtalarida boshlanadi va noyabrgacha davom etadi.  

U-14 yoshdagi o'smirlar birinchiligida Super liganing 12, Pro-liganing esa 14 (“Paxtakor-2” va “Bunyodkor-2” jamoalari qo'shilmagan), jami 26ta jamoa g'oliblik uchun kurashadi. Bu musobaqa ham ikki bosqichdan iborat - mintaqaviy hamda final bosqichi. Aprel-noyabr oylariga belgilangan.

U-10 yoshdagi bolalar turnir Festival sifatida o'tkaziladi. Super liganing Akademiyalari va Pro-liga futbol maktablari o'rtasidagi turnirda natijalar hisobga olinmaydi...