Osiyo transfer rekordlari: Oskar barchani ortda qoldirdi
26 dek 2016 16:00
Yangiliklar

Osiyo transfer rekordlari: Oskar barchani ortda qoldirdi

Teglar : Oskar

Braziliyalik yarim himoyachi Oskarning Xitoyga yo'l olishi munosabati bilan OFK rasmiy sayti ushbu rekord transferga alohida etibor qaratdi.

Malumotlarga ko'ra, Xitoy klubi "SHanxay SIPG" Oskar uchun "CHelsi"ga 70,5 million evro miqdorda pul to'lagan. Bu esa Osiyo trasnfer bozoridagi eng yuqori summa hisoblanadi.

Bungacha ham futbolchilarga rekord summa to'lash aynan ushbu klubga tegishli bo'lib, "SHanxay SIPG" o'tgan mavsum boshida boshqa bir braziliyalik futbolchi Xalk uchun 55,8 million evrodan voz kechgandi.

O'tgan bir yil davomida Osiyoda transferlar rekordi olti marta yangilandi. Buni albatta qita futboli uchun katta voqea desa bo'ladi. 2015 yil boshida BAAning "Al Ahli" klubi avvaliga Everton Ribeyro, keyinroq Mussa Sov uchun uchun 15/16 million pul to'lagandi. Ammo oxirgi bir yil ichida transer bozoriga Xitoyning shiddat bilan kirib kelishi hamma yoqni "ostin-ustun" qilib yubordi.

Xitoyning uchta klubi - "SHanxay SIPG", "Guangju Evergrand" va "Jiangsu Suning" yangi futbolchilarni sotib olish uchun juda katta miqdorda mablag' ajratishga tushib ketishdi. Avvaliga "Jiangsu Suning" 28 million evaziga Ramiresni qo'lga kiritgan bo'sla, keyinchalik "Guangju Evergrand" ham bo'sh kelmadi va "Atletiko Madrid"dan Jekson Martinesni 42 million evro evaziga sotib oldi.

Oradan ko'p o'tmay "Jiangsu Suning" yana narxni oshirdi va "SHaxtyor"dagi Aleks Teysheyra uchun 50 million to'ladi. Oxirgi ikkita rekord transfer esa "SHanxay SIPG"ga tegishli. Bu klub ikki futbolchi - Xalk va Oskar uchun 125 million evrodan ko'proq pul sarfladi. Mana endi braziliyalik futbolchilar Osiyo chempionlar ligasida Xitoy klubi sharafini himoya qilishadi.