Osiyo Kubogi. Yarim finalning qiziqarli fakt va raqamlari

Bunda Janubiy Koreya Iroqni 2:0, Avstraliya ham BAAni shu hisobda mag'lub etdi. Quyida yarim final o'yinlari bilan bog'liq bazi qiziqarli fakt va raqamlarni keltirib o'tamiz.

0. Janubiy Koreya musobaqa boshlanganidan beri o'z darvozasidan birortayam to'p o'tkazib yubormadi. Ular Ummon (1:0), Quvayt (1:0), Avstraliya (1:0), O'zbekiston (2:0) va Iroq (2:0) bilan bahslarning barchasida g'alaba qozonishdi.

1. Jeyson Devidson bilan Trent Seynsberi milliy terma libosida o'zlarining birinchi gollarini urishdi.

2. Li Yong Xyop turnirdagi ikkinchi golini kiritdi, Iroq bilan kechgan bahsda. 23 yoshli futbolchi J.Koreya libosida ushbu turnirda o'z debyutini o'tkazdi va hamma o'yinlarda maydonga tushib kelmoqda.

3. Avstraliya ketma-ket uchta o'yinda g'alabaga erishdi.

4. Massimo Luongo to'rtta golga hammualliflik qildi va bu ko'rsatkichi bilan barcha futbolchilar orasida eng yaxshisi bo'lib turibdi.

10. Avstraliya terma jamoasining 10 nafar futbolchisi ushbu musobaqada gol urishning uddasidan chiqdi. Bular - Tim Keyxill, Jeyson Devidson, Mayl Edinak, Tomi Yurich, Robbi Kruz, Massimo Luongo, Mett Makkey, Mark Milligan, Trenn Seynsberi va Jeyms Troisi.

12. Avstraliya turnir ishtirokchilari orasida eng ko'p 12ta to'p kiritdi.

55. 55 yil deganda Janubiy Koreya o'z tarixida ikkinchi marta Osiyo chempioni bo'lishi mumkin. Ular ilk bor 1960 yil qita g'olibligini qo'lga kiritishgandi.