Osiyo futboli haqida bilishimiz kerak bo'lgan malumotlar

Savol: Ikki karra Osiyoning eng yaxshi futbolchisi Server Jeparovning professional futboldagi marshruti qaysi yo'nalish bo'yicha kechgan?

Javob: "Navbahor", "Paxtakor", "Bunyodkor", "Seul" (J.Koreya), "Al SHabab" (S.Arabistoni), "Seongnam" (J.Koreya), "Ulsan Xyunday" (J.Koreya), "Lokomotiv", "Istiqlol" (Eron), "Sepaxon" (Eron), "Jetisu" (Qozog'iston) va "Metallurg". 

Savol: Osiyo chempionlar ligasida eng tezkor gol muallifi kim?

Javob: Sebastyan Kuintana. "Lahviya" futbolchisi 2013 yilning 9 aprel kuni "Paxtakor" darvozasini 9-soniyadayoq ishg'ol qilgandi. Bu rekordni shundan beri hech kim yangilagani yo'q. 

Savol: 2018 yil ayollar o'rtasidagi Osiyo chempionatida kim g'oliblikni qo'lga kiritgan?

Javob: Yaponiya ayollar terma jamoasi. Yaponiyalik qizlar finalda Avstraliyani 1:0 hisobida mag'lub etishgan. 

Savol: Bu qaysi stadion?

Javob: Bu albatta, hammamiz yaxshi bilgan "Paxtakor" markaziy stadioni. 34 ming muxlisga mo'ljallangan ushbu o'yingohda 2008 va 2010 yillarda U-16 Osiyo chempionati musobaqalari bo'lib o'tgan. 

Savol: Osiyo chempionlar ligasida nechta jamoa yutqazmasdan chempion bo'lgan?

Javob: To'rtta jamoa. Bular - "Al Ittihod" (2005), "Urava Reds" (2007), "Gamba Osaka" (2008) va "Ulsan Xyunday" (2012).

Savol: Qatar, Quvayt, Iroq, Xitoy. Bu jamoalardan qaysi biri Osiyo Kubogida g'olib bo'lmagan?

Javob: Xitoy. Qatar 2019 yilgi musobaqada g'olib chiqqanini yaxshi bilasiz. Quvayt 1980 yil, Iroq esa 2007 yil Osiyo Kubogida zafar quchgan. Xitoy terma jamoasi 1984 va 2004 yil finalga borishiga qaramay g'alaba qozona olmagan. 

Savol: JCH-2002da Janubiy Koreya penaltilar seriyasida Ispaniyani mag'lub etganida koreyaliklardan hal qiluvchi zarbani kim bergan?

Javob: Jamoa sardori Xong Myung Bo. "Gvangju" stadionida kechgan bahsda Janubiy Koreya Ispaniyani mag'lub etib shov-shuvli tarzda yarim finalga yo'l olgandi. 

Savol: Bu qaysi klubning logotipi?

Javob: Bu logotip Eronning "Persepolis" klubiga tegishli.