“Oq-tepa”: Yangi loyiha

1-ligaga, futbolchilarimizga etiborni oshirish maqsadida kichik bir loyihaga qo'l urdik. Aslida bu maqtanishga arzigulik loyiha emas, qolaversa, beradigan sovg'amiz ham bir diplom, biroq o'sha bir varoq qog'oz orqali futbolchilarimizning mehnatini yuzaga chiqarishni lozim, deb topdik.
 
Bundan keyin “Oq-tepa”ning O'zbekiston Birinchiligidagi uy uchrashuvlaridan so'ng har ikkala jamoa safida o'zining eng yaxshi xislatarini ko'rsatgan bir nafardan futbolchi maxsus diplomimiz bilan taqdirlanadi. Odatda musobaqalarda uchrashuvning eng yaxshi o'yinchisi aniqlanadi. Bunday taqdirlashni yo turnir tashkilotchisi yoki homiysi o'tkazishi kerak. Biz mezbon klub matbuot xizmati bo'lganimiz bois, har ikkala jamoadan ham bir nafardan eng yaxshilarni aniqlashni lozim, deb bildik. Aks holda, aniqrog'i, bir nafar o'yinchini taqdirlasak va u “Oq-tepa” azosi bo'lsa, tushunmovchiliklar kelib chiqishi mumkin.
 
SHu erda nega faqat “Oq-tepa”ning uy uchrashuvlarida desak savolga javob berib ketsak. CHunki futbolchilar nafaqat uydagi bahslarda, balki safardagi bellashuvlarda ham ter to'kib mehnat qiladi. SHunday ekan, haqli savol tug'iladi. Birinchidan, safardagi bahslarda mehmon maqomida bo'lamiz va u erda mezbonlar qolib biz tadbir tashkil qilsak, chiroyli ko'rinmasligi mumkin. Ikkinchidan, tan olish kerak, safardagi bahslarga qandaydir sabablarga ko'ra, bora olmay qolishimiz ehtimoli ham bor. Agar sog'liq tufayli uydagi bellashuvlarda ham qatnasha olmasak, o'rnimizga boshqa rasmiy shaxslar eng yaxshilarni taqdirlab qo'yishadi. Safarda bunga ularning vaqtlari, xohishlari bo'lmasligini ayni haqiqat. Boisi, ortga qaytish tadorigini ko'rish kerak. Qolaversa, mehmondagi bellashuvlarda eng yaxshilarni aniqlamasligimizga yana bir sabab, bir maqolda aytilganidek, asalning ham ozi shirin!
 
Xullas, bugun debyut g'oliblarni aniqlaymiz. Ham “Oq-tepa”, ham “Xotira-79” safida bir nafardan eng yaxshilarni aniqlab, ularga tegishli diplomlarni topshiramiz.