"Olmaliq": Nazorat bahsida durang

Ukrainaning "Vorskla" jamoasiga qarshi uchrashuv ancha qiziqarli va shiddatli tarzda o'tdi. Har ikki jamoa ochiq futbol namoyish etganligi bois, 90 daqiqa davomida maydonda keskin vaziyatlar ko'p bo'ldi. Hakam o'yin davomida har ikki jamoa darvozasiga penalti belgilaganligi ham so'zimizni tasdiqlaydi. 9-daqiqada raqiblar penaltidan unumli foydalana olishmagan bo'lsa, 45-daqiqada Zabihillo O'rinboev jarimani golga aylantirdi. "Vorskla" futbolchisi tepgan to'pni Akbar To'raev ushlab oldi. Uchrashuvda dastlabki golni poltavaliklar kiritishdi. 30-daqiqada jamoamiz yana burchakdan oshirib berilgan to'pdan so'ng raqibning darvozani ishg'ol etishiga qarshilik ko'rsata olishmadi. Birinchi taymning so'nggida esa penaltidan hisobni tenglashtirdik. Ikkinchi taymda ustunlik to'lig'icha jamoamiz tarafida bo'ldi. Afsuski, yaratilgan vaziyatlarni golga aylantirishda futbolchilarga aniqlik etishmadi.

O'rtoqlik uchrashuvi. 14 fevral.
Side shahri. "Kamilya" mehmonxonasi futbol maydoni.
"Olmaliq" - "Vorskla" 1:1
Gollar: Zabihillo O'rinboev 45 penaltidan - Vyacheslav SHarpar 30.
Amalga oshirilmagan penalti: Dmitriy Xlyobas 9 (darvozabon)

"Olmaliq": To'raev, Inomov, Mullajonov, Kasminin, Berdimurodov, Usmonov, Grigalashvili, Isaev, Yelich, Rahmatullaev, O'rinboev.
Zaxiradan maydonga tushganlar: Muxtorov, Suyunov, G'ulomov, Pasichnik, Klishin, Jo'raev, Hojiakbarov.

"Vorskla" tarkibi: Sarnavskiy, Rebenok, Perduta, CHesnakov, Ostapenko, Kravchenko, Tkachuk, Myakushko, Odaryuk, Xlobas, SHarpar.
Zaxiradan maydonga tushganlar: Zarichnyuk, Zagorulko, Matveev, Kunev, Kvasniy, Sakiv, Tishenko, Melnik, SHapoval, Udod, Dallku, Sapay.

Hakamlar: Lesiv Stanislav, Filipchuk Evgeniy, Koshkarov Serik. Zaxira hakami Tevyashov Denis (barchasi - Qozog'istondan).