Ollobergan Karimov "Bunyodkor"dagi debyuti haqida: "Ikkinchi golga pas berganimdan so'ng hayajon yo'qoldi"

2006 yilda tug'ilgan  Ollobergan Karimov kecha asosiy jamoadagi ilk uchrashuvini o'tkazdi. 63-daqiqada Dmitrie Pobulichning o'rniga maydonga tushgan futbolchi 70-daqiqada Farruh Ikromovning goliga assistentlik qildi. SHuningdek, yana bir vaziyatda darvozaga yo'llagan zarbasi to'singa tegib qaytdi. Uchrashuvdan so'ng uning fikrlari bilan qiziqdik. Malumot uchun, futbolchi O'zbekiston U-17 terma jamoasi azosi hisoblanadi. 

"Istaymanmi yoki yo'q baribir hayajon bo'ldi. Lekin Farruh Ikromovning goliga pas berganimdan so'ng o'zimda ishonch ancha ortdi. Bosim va hayajon yo'qoldi. Hammasi joyiga tushdi. Ishonch bildirgan barcha murabbiylarimga rahmat aytib qolaman. Ularsiz bu darajaga chiqmagan bo'lardim. Zaxiradan maydonga tushayotganimda Boshkovich Pobulichni va shu poziciyadagi "Surxon" futbolchilarini kuzatishimni aytdi. Maydonga tushdim va menga berilgan imkoniyatdan foydalanishga harakat qildim. 

O'yin nazoratimiz ostida o'tdi, deya olaman. "Surxon" ham etarlicha qarshilik qildi. Vaziyatlarimizdan foydalanib ikkita gol urdik",- deydi Ollobergan Karimov. 

Abdulaziz Iskandarov yozib oldi