Oliy liga. "Big 4": "Paxtakor" va "Lokomotiv" etakchi, "Nasaf" va "Bunyodkor"da esa bittadan g'alaba

Yana bir turdan so'ng ushbu chempionatimiz yakunlanadi. Hozircha chempion jamoa nomi aniq emas. Hammasi so'nggi turda hal bo'ladi. CHempionlik uchun kurashda "Paxtakor" va "Lokomotiv" so'nggi daqiqagacha kurash olib borishadi. Biz hozir bu haqida emas. Balki chempionatimizning to'rtta grand jamoalarining o'zaro uchrashuvlaridagi natijalari haqida to'xtalmoqchimiz.

Oliy ligamizning "Big 4" toifasiga kiruvchi jamoalar so'nggi to'rt yildan buyon o'zgarmay kelmoqda. Bular "Paxtakor", "Lokomotiv", "Nasaf" hamda "Bunyodkor" jamoalari. Ushbu jamoalar mavsum davomida o'zaro o'yinlarda jami 6 marotaba kuch sinashishadi. Ushbu uchrashuvlarda qaysi jamoa ko'proq ochko yig'ishni uddalay olsa odatda chempionlikka yaqin kelishi hech kimga sir emas. Bu yilgi natijalar ham bu gaplar bejizga emasligini isbotlab turibdi.

"Big 4" uchrashuvlarida eng ko'p ochko jamg'arish bo'yicha ham hozirga qadar chempionlik poygasida quvlashmachoq o'ynayotgan "Paxtakor" va "Lokomotiv" jamoalari etakchi sanalishadi. Ushbu ikki klub bir xil ravishda 12 ochkodan jamg'arishgan.
"Paxtakor": "Lokomotiv" (2:1), "Bunyodkor" (1:0), "Nasaf" (3:1), (0:1) jamoalari ustidan g'alabaga erishdi.
"Lokomotiv": "Bunyodkor" (3:0), (0:1), "Nasaf" (1:0), "Paxtakor" (2:1) jamoalarini mag'lubiyatga uchratib 12 ochko ishlab olgan.

"Nasaf" hamda "Bunyodkor" jamoalarida ham bir xil ko'rsatish qayd etilgan. Ushbu jamoalar grandlar bilan bo'lgan o'yinlarda 5 ochkodan ishlab olishdi.
"Nasaf" birinchi davrada "Lokomotiv"ni (1:0) dog'da qoldirgan bo'lsa, "Bunyodkor" ikkinchi davrada "Paxtakor" (2:0) ustidan g'alabani tantana qilgan. Ushbu jamoalar qolgan ikkitadan ochkoni o'zaro o'yinlarda har ikki safar ham durang (0:0), (0:0) o'ynashib qo'lga kiritishgan.

"Paxtakor" va "Lokomotiv" jamoalari "Big 4"da 6tadan o'yin o'tkazishdi va 4ta g'alaba, 2tadan o'yinda mag'lubiyatga uchrashdi.

"Nasaf" hamda "Bunyodkor" esa "Big 4"da 6tadan uchrashuv o'tkazishdi va 1ta g'alaba, 2tadan durang va 3tadan o'yinda mag'lubiyatga uchrashdi.

SHahboz Beg'amov