Olim Tolibjonov 10-turda eng yuqori baho olgan hakam

Bu ko'pchilik uchun ayni muddao bo'ladi. CHunki referilarga qo'yilgan baholar ochiqchasiga ko'rsatilishi ularning o'z ustida yana ko'proq ishlashga undashi tabiiy. Qolaversa baholarning aniq yozib ko'rsatilishi barchamiz uchun qiziq.

“SA” ham oliy liganing har bir turidan so'ng hakamlarning olgan baholariga etibor qaratib, ularni berib borishni lozim topdi.

Demak, ortda qolgan 10-turda kutilganidek 28 nafar referi ishladi. Ularning ettitasi bosh hakamlar hisoblanadi.  Maydon markazida bosh rolda bo'lgan hakamlardan Olim Tolibjonov boshqalarga nisbatan eng yuqori bahoga loyiq ko'rildi. Toshkentda kechgan “Lokomotiv” – “Olmaliq” bahsida nazoratchi hakam Gali Imomov Tolibjonovning hatti-xarakatlarini 9,2 ballga baholadi. Aytish lozimki, mazkur uchrashuvga komissar sifatida PFL bosh direktori Farhod Magometov ham tashrif buyurgan!

Aksincha ushbu turda nazoratchi hakam tomonidan nisbatan past ball olgan hakamlar Hasan Ro'ziev bilan Baxtiyor Namozov bo'ldi. 8,5 ball!

SHuni ham aytib o'tish joizki, ushbu turning barcha o'yinlariga komissarlar tashrif buyurgan. Hakamlar departamenti bo'limi boshlig'i Noil Lutfullin kecha Qarshida bo'lib, “Nasaf” – “Paxtakor” bahsini bevosita stadionda kuzatgan.

10-turda ishlagan hakamlar va komissarlar!   

31 may (shanba)
Neftchi  – Dinamo  – 1:0. 4125 tomoshabin.
Hakamlar: H. Ro'ziev (Toshkent) – 8,5, A. Usmonov (Toshkent) – 8,6, T. Gaynulin (Toshkent) – 8,8, A. Jo'raxonov (Andijon) - 8
Nazoratchi: R. Serazetdinov (Toshkent).
Komissar: R. CHernikov.

1 iyun (yakshanba)
Lokomotiv – Olmaliq – 3:0. 2518 tomoshabin.
Hakamlar: O. Tolibjonov (Toshkent) – 9,2, M. Saidqosimov (Toshkent) – 9,1, J. Saidov (Toshkent) – 9,1, V. Serazetdinov (Toshkent) - 9
Nazoratchi: G. Imomov (Toshkent).
Komissar: F. Magometov.
 
Buxoro – Mashal – 3:4. 10321 tomoshabin.
Hakamlar: V. Ceytlin (Toshkent) – 9,1, A. Capenko (Toshkent viloyati.) – 9,0, A. Po'latov (Toshkent) – 9,0, D. Jalimov (Nukus) - 9
Nazoratchi: A. Arutyunov (Toshkent).
Komissar: A. Frolov.

Qizilqum - Navbahor – 3:1. 8821 tomoshabin.
Hakamlar: I. Tantashev (Buxoro) – 9,0, R. Serazetdinov (Toshkent) – 9,0, R. SHoyaxmetov (Toshkent) – 9,0, A. Rahimov (Andijon) - 9
Nazoratchi: A. Popov (Toshkent).
Komissar: V. Lyotkin.
 
Nasaf – Paxtakor – 1:1. 15815 tomoshabin.
Hakamlar: R. Bobomurodov (Navoiy) – 8,7, R. Samandarov (Navoiy) – 8,4, O. Jumaev (Navoiy) – 9,4, V. Najafaliev (Toshkent) - 9
Nazoratchi: V. Valickiy (Toshkent).
Komissar: N. Lutfulin.
 
Metallurg – Andijon – 3:2. 1645 tomoshabin.
Hakamlar: A. Asimov (Toshkent) – 8,8, O. Abduvasilov (Toshkent) – 8,6, N. Ro'zimov (Toshkent) – 8,3, A. Rubakov (Toshkent) - 9
Nazoratchi: I. SHaripov (Buxoro).
Komissar: A. Xudoydotov.
 
So'g'diyona – Bunyodkor – 0:2. 5205 tomoshabin.
Hakamlar: B. Namozov (Toshkent) – 8,5, X. Mirzaahmedov (Toshkent viloyati) – 8,6, A. Snetkov (Toshkent viloyati) – 8,6, A. Ergashev (Toshkent) - 9
Nazoratchi: A. Hotamov (Toshkent).
Komissar: V. SHtern.

Islombek Rustambekov tayyorladi.