Oliy liga-2014 yakunlari. Mavsum gvardiyachilari haqida

Doimgidek yakunlangan mavsum statistikasi bilan tanishtirshda davom etamiz.

Bu yil to'rt nafar futbolchi oliy liganing barcha o'yinlarida, o'zgarishlarsiz harakat qildi.

"Nasaf" etakchisi Artur Gevorkyan 26ta o'yinda to'liq o'ynab raqiblar darvozasiga 18ta gol urdi. Turkmanistonlik legioner bu yil chempionat to'purariga aylanganidan xabaringiz bor. Ro'ziqul Berdiev bejizga Arturni jamoa sardori etib tayinlamagani ko'rinib turibdi.



"Paxtakor" bilan mamlakat chempionligini qo'lga kiritgan Aleksandr Lobanov bu yil barcha o'yinlarda "sherlar" darvozasini qo'riqladi. Mavsum davomida o'z darvozasidan 14ta gol o'tkazib yuborgan Lobanov 15ta uchrashuvni "quruq" o'tkazdi.



Moldovalik darvozabon Aleksandr Melenchuk "So'g'diyona" sardori sifatida barcha o'yinlarda jamoani maydonga boshlab tushdi. To'g'ri Jizzax klubi uchun mavsum omadsiz keldi. Biroq, Melenchuk imkon qadar o'z darvozasi dahlsizligini saqlab qolishga urindi. "So'g'diyona" 5ta o'yinda o'z darvozasidan umuman gol o'tkazmadi. Raqiblar Melenchuk qo'riqlagan darvozaga 26ta o'yinda 49ta to'p kiritishdi.



"Metallurg"ning ko'p yillik sardori Hikmat Hoshimov ham yuqoridagi uch futbolchi kabi bu yil barcha o'yinlarda to'liq ishtirok etishga muvaffaq bo'ldi. 35 yoshli himoyachi bu yil raqiblar darvozasiga bitta gol urdi va 2 bor ogohlantirish oldi.

Statistikaga nazar solib 24 nafar futbolchi kamida 25ta o'yinda qatnashganiga etibor qildik. "Paxtakor"dan 5, "Qizilqum"dan 4, "Metallurg"dan 3 nafardan futbolchi ushbu ro'yxatdan o'rin olgan.

"Bunyodkor", "Olmaliq", "Andijon" hamda "Mashal" futbolchilaridan hech kim bizning ro'yxatimizda yo'q.

 

Futbolchi	Jamoa	Amp	T.sana	O'	Daq	Gol	SK	QK
Gevorkyan Artur	"Nasaf"	Yahm	11/22/1984	26	2340	18	2	0
Lobanov Aleksandr	"Paxtakor"	Dar	1/4/1986	26	2340	0	0	0
Melenchuk Aleksandr	"So'g'diyona"	Dar	3/20/1979	26	2340	0	0	0
Hoshimov Hikmat	"Metallurg"	Him	11/12/1979	26	2340	1	2	0
Eminov Sardor	"So'g'diyona"	Yahm	1/28/1987	26	2261	4	0	0
Berdimurodov Raxmatullo	"Navbahor"	Yahm	10/24/1987	26	2235	0	2	1
Vagapov Ruslan	"Qizilqum"	Yahm	1/22/1980	26	2203	2	3	0
Agaliev Avaz	"Dinamo"	Him	12/20/1988	26	2145	0	2	0
Toshmatov Murodjon	"Metallurg"	Him	6/21/1991	26	2129	2	2	0
Makosin Artem	"Qizilqum"	Dar	10/29/1985	25	2250	0	1	0
To'raev Lutfulla	"Lokomotiv"	Yahm	3/30/1988	25	2200	2	4	0
Maxaradze Kaxi	"Paxtakor"	Yahm	10/20/1987	25	2163	7	6	0
Ziyovutdinov Alisher	"Metallurg"	Yahm	6/27/1992	25	2139	4	3	0
Samatov Alisher	"Navbahor"	Him	10/23/1989	25	2129	0	7	0
Iskanderov Jamshid	"Paxtakor"	Yahm	10/16/1993	25	2114	6	4	0
Yunusov Ilhom	"Nasaf"	Yahm	5/3/1982	25	2103	2	3	1
Ermatov Dilyorbek	"Neftchi"	Him	4/30/1989	25	2082	0	5	0
Qurbanov Mirjalol	"Qizilqum"	Him	4/28/1990	25	2061	0	3	1
Sergeev Igor	"Paxtakor"	Huj	4/30/1993	25	2008	11	0	0
Rustamov Akmal	"Qizilqum"	Him	2/8/1986	25	1982	3	6	0
Plamadela Vitaliy	"Buxoro"	Yahm	1/21/1985	25	1938	1	1	0
Kozak Vladimir	"Paxtakor"	Yahm	6/6/1993	25	1897	5	2	0
Rahimov Ibrohim	"Lokomotiv"	Him	9/29/1984	25	1895	2	0	0
Tojiev Zayniddin	"Dinamo"	Huj	6/21/1977	25	1656	2	7	0

Narzulla Saydullaev