O'FF Terma jamoalar markazida navbatdan tashqari yig'ilish bo'lib o'tdi

O'FF Terma jamoalar markazi barcha bo'limi boshliqlari va milliy terma jamoalar murabbiylari ishtirok etgan yig'ilishda 2014 yilgi musobaqalarda ishtirok etadigan terma jamoalar oldiga qo'yilgan vazifalar muhokama qilindi.

Jumladan, barcha yoshdagi terma jamoalarning muhim musobaqalarga etarlicha tayyorgarlik ko'rishlari uchun barcha etarli shart-sharoitlar yaratilishi, yig'inlar tashkil etilishi va muhim musobaqalar oldidan ko'proq o'rtoqlik uchrashuvlari tashkil etish borasida reja ishlab chiqildi. Unga ko'ra, O'FF Terma jamolar markazi xalqaro bo'limi, terma jamoalarimizning musobaqalardagi raqiblarini o'rganish, terma jamoalar uchun o'rtoqlik uchrashuvlariga raqib topish va ular bilan muzokaralar o'tkazish haqida ko'rsatma oldilar.

Yig'ilishda shuningdek, respublikaning barcha mintaqalarida faoliyat olib boradigan barcha selekcioner murabbiylar ham, terma jamoalar uchun munosib nomzodlarni kuzatishi uchun reja alohida ishlab chiqildi.

Malumot uchun, O'zbekiston U-16 terma jamoasi sentyabr oyida Tailandda bo'lib o'tadigan Osiyo CHempionati (U-16) final bosqichid ishtirok etsa, O'zbekiston U-19 yoshlar terma jamoasi o'z toifasida shu yilning oktyabr oyida Myanmada o'tkaziladigan Osiyo CHempionatida ishtirok etish huquqini qo'lga kiritgan.

Sentyabr oyida shuningdek, Janubiy Koreyaning Incheon shahrida Osiyo O'yinlari o'tkaziladi. Mazkur musobaqada 23 yoshgacha bo'lgan futbolchilardan iborat O'zbekiston terma jamoasi ishtirok etadi.