O'FF Abdulhay Ismoilov 1 yilga diskvalifikaciya qilinganini tasdiqladi

SHu yilning 15 sentyabr – 2 oktyabr kunlari Hindistonning Goa shahrida bo'lib o'tgan U-16 Osiyo chempionati vaqtida olingan doping-probalarda Abdulhay Ismoilovning namunasida taqiqlangan moddalar aniqlandi.

SHu munosabat bilan Abdulhay Ismoilov futbolga oid har qanday faoliyatdan 1 yilga chetlatildi. Uning diskvalifikaciyasi OFK Antidoping qoidalari buzilgan sanadan boshlab, yani, 2016 yilning 3 noyabridan kuchga kirib, 2017 yilning 2 noyabriga qadar davom etadi.

Abdulhay Ismoilov mazkur holat takrorlangan taqdirda qattiq jazolanishi haqida ogohlantirildi.

Malumot uchun, Abdulhay Ismoilov Hindistonda bo'lib o'tgan U-16 Osiyo chempionatida KXDRga qarshi (3:1) “D” guruhi 3-turida hamda Iroqqa qarshi (0:2) chorak finalida maydonga tushgandi.

Saytimizning Telegram dagi kanaliga obuna bo'ling - telegram.me/championatasia