OCHL finali oldidan matbuot anjumani tashkil etildi

Kecha o'yindan oldingi ananaviy matbuot anjumani tashkil qilindi. "Urava Reds" bosh murabbiyi Takafumi Xori savollarga javob qaytarar ekan, birinchi finaldan oldin quyidagi gaplarni aytdi:

- "OCHL finalida "Al Hilol"ga qarshi bahs yuritish ajoyib bo'ladi. CHunki bu Osiyoning eng kuchli klublaridan biri. Men jamoani qabul qilib olayotganimda finalga qadar etib kelishimizni umuman o'ylamagandim. Biz bosqichma-bosqich o'sib bordik. Finalga chiqish o'z-o'zidan bo'lmaydi. Buning uchun katta mehnat talab qilinadi".

- "Biz bu erga kelish uchun 9,600 km. masofani bosib o'tdik. Bekorga kelmaganimizni isbotlashga harakat qilamiz. Saudiya klublari jismoniy jihatdan kuchli. "Al Hilol" esa o'yin tomonlama ham kuchli. Biz Yaponiyadan 200 kishidan ko'p bo'lib keldik, hamma jamoamizni qo'llab turishga tayyor".

Matbuot anjumanida "Al Hilol" bosh murabbiyi Ramon Dias ham ishtirok etdi. Murabbiy muhim bellashuv oldidan shunday dedi:

- "Bizda yaxshi o'yinchilar ko'p va shogirdlarimga to'liq ishonaman. Masalan, jamoamiz sardori Osama Xavsavi terma jamoada muntazam o'ynab kelmoqda. "Al Hilol" qiyin vaziyatlarda qanday o'ynashni biladi. Saudiya Arabistonining jahon chempionatiga chiqqani ko'plab futbolchilarga ijobiy tasir qildi. Ular endi klub miqyosida ham nimagadir erishishmoqchi".

- "Biz yarim finalni ajoyib tarzda o'tkazib, finalga qadar etib keldik. Endi bosh maqsad Kubokni qo'lga kiritish. Raqibni har tomonlama o'rganib chiqdik, "Urava" yaxshi klub, lekin ularning ham ojiz tomonlari bor. Kim xatoga kamroq yo'q qo'ysa o'sha Osiyo chempionlar ligasini yutadi".