"Obod": Asosiy tarkib tatilda, yoshlarimiz mashg'ulotlarga kirishadi

O'rinbosarlar tarkibi azolari ikki kunlik hordiqdan so'ng ertaga mashg'ulotlarga kirishsa, asosiy tarkib 30 avgust kuni tatildan qaytadi. Vohid Xolboev murabbiyligidagi yoshlarimiz 6 sentyabr kuni bo'lib o'tadigan 20-turning "So'g'diyona"ga qarshi o'yinga qadar ikkita nazorat uchrashuvini o'tkazadi. Ertaga mashg'ulotlarni boshlaydigan o'rinbosarlarimiz indinga - 29 avgust kuni Abdumajid Toirov murabbiyligidagi "Bunyodkor" akademiyasi tarbiyalanuvchilariga qarshi maydonga chiqsa, 1 sentyabrda "Paxtakor" o'rinbosarlari bilan kuch sinashadi.

Andrey Demchenko murabbiyligidagi asosiy tarkibimiz yuqorida aytilganidek, 30 avgust kuni mashg'ulotlarni boshlaydi. Rejaga ko'ra, 3 sentyabr kuni "Paxtakor"ning asosiy jamoasiga qarshi nazorat o'yini o'tkaziladi. Bellashuv "Jar" stadionida bo'lib o'tadi.