"Odatda maydon o'ziga kelishi uchun 6-8 hafta kerak bo'ladi. Bilim bo'lmasa, bir zumda maydonni "o'ldirib qo'yish" mumkin" - agronom

Saytimiz vakili "Al Hilol" klubining ko'p tarmoqli "Kingdom Arena" stadioni (Dmitriy Bivol va Artur Beterbiev jangi shu erda o'tkazilgan) agronomi Styuart MakCHeyn bilan shu masalada suhbat uyushtirdi.

- Salom, Styuart, ahvolingiz qalay? 

- Salom, men yaxshiman. Siz-chi, yaxshimisiz?

- Ha, yaxshiman.

- Men ham yaxshiman.

- Xullas, masala shundaki, mashhur qo'shiqchi Jennifer Lopes Toshkentda koncert berdi. Bu O'zbekistonga ilk bor kelgan mashhur sanatkordir. Koncert “Bunyodkor” stadionida bo'lib o'tdi. Bu O'zbekistonning milliy terma jamoasi uy uchrashuvlarini qabul qiladigan asosiy stadion. Birinchi savol shuki, stadionda koncert o'tkazish qanchalik xavfli? Chunki “Bunyodkor” stadioni 2012 yilda, yani 13 yil oldin qurilgan edi. U maydon sifati bilan bog'liq bo'lgan muammolari bilan mashhur bo'lgan. Bu erda o'ynagan jamoalar va futbolchilar ko'p marta maydonning yomonligini aytishgan. Nega bunday ekanini bilmayman. Ikki yil oldin, 2023 yilning qishida, yangi gibrid maydon o'rnatildi. U 80% tabiiy va 20% suniy o'tdan iborat. Shunday ekan, milliy terma jamoa o'ynashi kerak bo'lgan stadionda koncert o'tkazish qanchalik xavfli?

 - Maydonni kim parvarishlayapti? Ularning bilimi etarlimi? Chunki bu muammoni hal qilishda muhim omildir.

- Men u erga ikki yil oldin borgan edim, maydon o'rnatilayotgan paytda. Bilishimcha, ular Angliyadan mutaxassislarni taklif qilishgan edi. Ha, ular bilan gaplashganman, lekin chim o'rnatilgach, ish tugagandan so'ng ular mamlakatni tark etishdi. Hozir stadionni kim boshqarayotganini bilmayman, lekin u erda hali ham mahalliy odamlar, mahalliy mutaxassislar ishlayotganiga ishonchim komil...

- Asosiy omil – bu bilim. Agar koncert bo'lib o'tgan bo'lsa, keyin to'g'ri texnik xizmat ko'rsatish jarayoni amalga oshirilishi kerak. Siz milliy terma jamoa keyingi oyda, yani sentyabrda o'ynashini aytdingiz. Shunday ekan, bu vaqt oralig'ida o'ynash umuman to'g'ri emas, chunki odatda maydon o'ziga kelishi uchun 6-8 hafta kerak bo'ladi.

Yangi maydonning to'liq shakllanishi uchun taxminan ikki oy kerak bo'ladi, Ammo "Kingdom Arena"dagi shaxsiy tajribamga ko'ra, biz juda zich tadbirlar jadvaliga ko'ra ko'p ishlaganmiz va deyarli har besh kunda o'yin yoki tadbir o'tkazardik.

Ko'p marotaba boks musobaqalarini o'tkazdik. O'shanda bir uslubni qo'llaganman, besh kun davomida chim maxsus qoplama bilan yopilardi va o't deyarli qurib qolardi. Tajribam tufayli buni tezda tuzatib, qayta tiklay olganman. Shuning uchun aytyapmanki, tajribaga ega bo'lish juda muhim. Bilim bo'lmasa, bir zumda maydonni "o'ldirib qo'yish" mumkin. Ammo yaxshi tajriba bo'lsa, darhol va tezkorlik bilan harakat qilish kerak.

Darhol yangi o't urug'ini sepish orqali maydonni qayta tiklash zarur. Bu shunchaki bilim masalasi. Shuning uchun O'zbekiston futbol mutasaddilari masuliyatni o'z zimmasiga olsa, 1 oy ichida o'tni yaxshi holatga keltirish mumkin, lekin bu ham bilimga bog'liq. 

- Koncertlar uchun vaqtinchalik qoplamalar, masalan, pol panellari va shunga o'xshash narsalar qanchalik samarali?

- Xo'sh, sizda musiqa koncerti bo'lib  o'tdi. Shuning uchun, to'g'risini aytganda, o't “o'ladi”. Har qanday tadbirdan so'ng. Bu normal holat. Shu sababli, siz qoplamani olib tashlaganingizdan so'ng darhol texnik xizmat ko'rsatishingiz kerak bo'ladi: eski o'tlarni yig'ishtirib, maydonni tozalashingiz lozim. Keyin zudlik bilan uni qayta ekishingiz kerak. O't shikastlangan zonalarga. Shunda, aytganimdek, yangi o'tni tez tiklash uchun to'g'ri parvarish qilish zarur bo'ladi va eng muhimi, uning sog'lom o'sishiga yordam beradi.

 Abdulvosit Bektemirov suhbatlashdi.

Foto. Koncertdan keyingi "Bunyodkor"