No'mon Hasanov: "Qiziqarli o'yin guvohiga aylandik"

"Bugun har ikkala jamoa yaxshi va tomoshabop o'yin ko'rsatishdi. Ob-Havo ham qulay kelganligi sababli futbolchilar chiroyli o'ynashdi. "Qo'qon-1912" jamoasining o'yini menga yoqdi. Futbolchilarimning harakatlaridan ham ko'nglim to'ldi. Bugungi g'alaba uchun ularga rahmat aytaman. Arleksandr Merzlyakovning kichik jarohati borligi sabab ikkinch bo'limda uni almashtirdik. SHu bois Andreevni himoyaga qo'ydik. O'tkazib yuborilgan golda Jaloliddin Masharipovning to'p uzatishidan so'ng raqib futbolchisi to'pni ilib ketdi. Endi hamma ham adashadi. Futbolni xatosiz o'ynab bo'lmaydi. Kozak o'yindan-O'yinga yaxshi taassurot qoldirmoqda. Vladimir Kozakning kuchli zarba ega ekanligini bilamiz. Biz uning bu sifatlaridan to'liq foydalanish maqsadida Kozakni keyingi o'yinlarda Maxaradzening o'rniga qo'ymoqchimiz. Maxaradze esa sal orqaroqda o'ynaydi. CHunki Kaxi himoyachilardan to'pni olib, hujumlarni boshlashda ancha kuchli hisoblanadi. Masharipovga keladigan bo'lsak, Jalol juda yuqori texnikaga ega futbolchi. So'nggi paytlarda uning o'yinida o'sish biroz to'xtab qoldi. CHunki Masharipov ko'p zaxirada qolib ketmoqda. Biz unga imkon qadar ko'proq o'yin amaliyoti berishga harakat qilamiz. Masharipov nafaqat oldinda, balki orqaga himoyachilarga ko'maklashishi ham kerak. Kelajakda undan yaxshi futbolchi chiqadi. Buning uchun mashg'ulotlarda ishlash kerak. "Paxtakor" har doim o'z oldiga chempionlik vazifasini qo'yadi. Hozirda tarkibimizda bir qator jarohatlangan futbolchilar mavjud. Agarda jarohatlardan qutilsak, har bir poziciyada ikkitadan futbolchiga ega bo'lardik", - dedi No'mon Hasanov.