No'mon Hasanov: "Nasaf"ga qarshi alohida tayyorgarlik ko'rdik"

- Ertaga bizni juda muhim bahs kutib turibdi. Har ikkala jamoa ham bir-birini juda yaxshi biladi. Ertangi uchrashuvda bosh maqsadimiz g'alaba qozonish. Biz bu mavsumga jiddiy tayyorgarlik ko'rdik. O'zbekiston superkubogi oldidan har ikkala jamoalarda g'oliblikni qo'lga kiritish uchun imkoniyatlar teng deb o'ylayman. Bu kabi uchrashuvlarda birgina gol hamma narsani hal etishi mumkin. Ertaga kim yaratilgan imkoniyatlardan unumli foydalana olsa o'sha jamoa g'alaba qozonadi.

- Ertaga yangi futbolchilarni maydonga tushirasizmi?

- Biz yangi mahoratli futbolchilarni o'z safimizga qo'shib oldik. Suhrob Berdiev, Oybek Qilichev, Temur Jo'raev singari futbolchilar qo'shilishdi. Umuman olganda ushbu futbolchilar ham maydonga tushishga tayyor. Tarkibimizni tark etgan futbolchilar bilan yaxshi munosabatda xayrlashdik. Lekin hozirgi mavjud futbolchilarimiz ham yomon emas. "Paxtakor" asosan yoshlarga tayanib o'ynaydi. Biz yoshlarga imkoniyat beramiz. Men jamoamizga ishonaman.

- "Nasaf"ga qarshi alohida tayyorgarlik ko'rildimi yoki umumiy tayyorgarlik olib borildimi?

- Albatta biz bu jamoaga qarshi alohida hozirlik ko'rdik. Ularning o'yinlarini o'rganib chiqdik. "Nasaf" odatda ochiq va hujumkor futbol ko'rsatadi. Biz raqibni diqqat bilan o'rganib chiqdik.

- "Nasaf"ga qarshi bahsda Temur Jo'raevga imkoniyat berasizmi yoki Ribkin maydonga tushadimi?

- Jamoamiz darvozasini ertangi o'yinda Ribkin qo'riqlaydi.

SHerzod Karimov: Biz O'zbekiston superkubogini qo'lga kiritishni xohlaymiz. Ertaga muxlislarimizga g'alabani taqdim etamiz degan umiddaman. Biz o'yinga jiddiy tayyorgarlik ko'rdik va bahsga tayyormiz.