No'mon Hasanov: "G'alaba qozonishga urinamiz"

No'mon HASANOV ("Paxtakor" bosh murabbiyi): - Ertaga bizni muhim bahs kutib turibdi. O'yinning qanday ahamiyatga egaligini bilamiz. Raqibni yaxshi o'rgandik, birinchi bahs bu jamoa to'g'risida ko'p malumot berdi. "Traktorsozi" etarli darajada kuchli va yaxshi ijrochilarga ega. Futbolchilik paytimda Ali Dayi kabi eronlik mashhur o'yinchilarga qarshi o'ynaganman va ularning jismoniy tarafdan qanchalik kuchli ekanini bilaman. Lekin bu jamoamizga yaxshi o'yin ko'rsatishga xalal bermaydi.
Jamoamizda yoshlar ko'p, lekin bu turnirda qatnashish borasida katta tajribaga egamiz. Keyingi bosqichga chiqish uchun bizga ochkolar zarur. Hozir barchada imkoniyat bor. Biz bu erga g'alaba uchun keldik va imkoniyatdan foydalanishga intilamiz.
 
Jamshid BOLTABOEV ("Paxtakor" yarim himoyachisi): - Murabbiyning gapiga qo'shilaman. G'alaba erishish maqsadida keldik. O'smirlar terma jamoasi safida Eronga qarshi o'ynaganman va Eronda Osiyo chempionatida zafar quchganmiz. O'z o'yinimizni namoyish qilib, g'alaba qozonishga urinamiz. Jamoada yaxshi muhit hukm surmoqda. Yutuq uchun borimizni beramiz.