Nodirxo'ja Yuldashev: "2001 va 2002 yilda tug'ilgan futbolchilar diqqatiga!"

Siz 7 yoshdan 18 yoshgacha qattiq mehnat qilgansiz, qorda, yomg'irda, chilladagi issiqda. Bironta klub rahbari (2-3 tasidan tashqari) kelib Sizning holatingizdan xabar olmagan, butsangizni yangilab bermagan. SHuning uchun bu yil shartnoma imzolayotganingizda ehtiyot bo'ling!

Bunday vaziyatlarda klub rahbarlari Sizga 3 yildan 5 yilgacha bo'lgan SHARTNOMA Taklif qiladilar. Odatda MAOSHning maksimal holatda 1 000 000 so'm qilib ko'rsatadilar. Ko'p holatlarda 500 - 600 000 so'm. Maosh bo'yicha jiddiy kelishib oling! To'g'ri, avvalo o'yin amaliyotiga ega bo'lish. Agar Sizni o'sha klub tarbiyalab qo'ygan bo'lsa, o'z ixtiyoringizni keyinchalik ham klubga topshirishdan qo'rqmang. Lekin Siz to'p tepib yurgan paytlarda etiborsiz bo'lgan bo'lsa, unda endi "diktovat" qilish navbati Sizga etib kelganligini tushuning!

Kanaliga azo bo'lish Nodirxo'ja Yuldashev 

1. Maosh bo'yicha kelishing.
2. Hech qachon mavsum o'tsa bo'ldi qabilada ish ko'radigan rahbar bilan 2 yildan ko'piga qo'l qo'ymang. O'zingizni o'zingiz unga bog'lab qo'yasiz! "Nasaf", "Paxtakor", "Lokomotiv" va "Bunyodkor" bundan mustasno, bugungi holatda!
3. 23 yoshgacha futbolchi o'z huquqini o'zi sotib olsa bo'ladi. Buni rahbarlar yaxshi biladilar. Futbolchi kerak bo'lsa, bo'lmasa tovon puliga 200 000 000 so'mdan kam bo'lmagan summani yozib qo'yadi. SHartnomani aynan shu bandiga JIDDIY qarang! Hech qanaqasiga Sizni tovon pulingizni 50 000 000 so'mdan tepa bo'lishiga yo'l qo'ymang (4ta klub bundan mustasno. CHunki ular yoshligidan pul ishlatgan). Ertaga yaxshi jamoadan taklif bo'lib qolsa, na Sizni o'ynatadi, na boshqaga beradi. Hech qachon boshqa klub 200 000 000 tovon puli to'lab 19 yoshli o'yinchini olmaydi.
4. SHartnomaga ko'ra klub Sizga maosh berishda 2 oydan cho'zilsa, Siz bemalol SHARTNOMANGIZni olib ketish huquqiga ega ekanligingizni ham unutmang. Buning uchun PFLga murojaat qilsangiz kifoya!
5. Va nihoyat futbolchi va ota-onalar, yoshlar ligasi uchun ham SIFATni talab qiling! Mashg'ulotlarda issiq choy, suv, to'plar, inventarlar etarli bo'lsin. Asosiy tarkibga yo'l, yoshlar ligasi orqali. Ammo u erda sharoit bo'lmasa, asosiy tarkibga bo'lgan yo'lni bosib o'tish qiyin bo'ladi. Talab qiling rahbariyatdan, o'rinbosarlar jamoasiga ham malakali murabbiyni qo'ysin, nomiga reglament uchun emas.

☝️ O'Z HUQUQINGIZNI HIMOYA QILISHNI O'RGANING!