Neymar yoki Benzema?
10 mar 2022 05:39
Yangiliklar

Neymar yoki Benzema?

Butun dunyo Ukrainadagi voqealarni hayojon bilan kuzatayotgan tunlarning biri. Franciyada tarbiya topgan jazoirlik yigit 17 daqiqa ichida "Parij"ni mahv etdi.

Real Madrid

Karim Benzema - 61', Karim Benzema - 76', Karim Benzema - 78'

Champions League Final Stage . 1/8-tur

10/03/2022, 01:00

Tugadi

Paris Saint-Germain

Kylian Mbappe - 39'

Stadion: Estadio Santiago Bernabeu, 59895 tomoshabin

Bosh hakam: Danny Makkelie

45'

90'

Match-senterda ochish

"Pari Sen-Jermen" "Barsa"dan Messini, "Real"dan Ramosni tortib olsa ham, Xelayfi azaliy orzusiga qovusha olmadi. Biz esa kechaning asosiy qahramoniga etibor qaratamiz.

Benzema bilan katta yo'lga chiqqan Samir Nasri, Xatem Ben Arfa va Jeremi Menez singari "vunderkind"lar allaqachon "nafaqaxo'r" bo'lishdi. Karim esa Madridning "yangi qirol"i aylandi.

2009 yilda "Qirollik klubi" niderlandiyaliklardan (Robben, Xuntelar, Sneyder, van der Vart) voz kechib, katta transferlarga qo'l urdi. Ronaldu (MYU), Kaka ("Milan"), Alonso ("Liverpul") va Benzema ("Lion") xarid qilindi. Boshqalar ketdi, franciyalik forvard esa 13 yildan beri qaymoqrangli libos bilan o'ynayapti.

2009 yilgi tarkibdan faqat 2 nafar futbolchi hamon "Real" uchun o'ynayapti (Marselo va Benzema).

Karim kelganidan keyin Rud van Nistelroy, Emmanuel Adebayor, Gonsalo Iguvain, CHicharito va Alvaro Morata Madriddan ketishga majbur bo'ldi.

Fernando Yerro, Raul Gonsales, Iker Kasilyas va Serxio Ramosdan keyin "Real"ning sardoriga aylandi.

2016-17 yilgi mavsumda Moratadan 2 hissa ko'proq o'yin amaliyotiga ega bo'lsa ham, ispanga nisbatan kamroq to'p kiritdi. Ronalduning Madriddagi oxirgi mavsumida esa La Ligada atigi 5 ta gol urdi. Ana shu zamonda jamoaning ko'plab muxlislari Benzemaning tezroq ketkazilishini xohlashgan edi.

U 9 yil davomida Ronalduning soyasida qoldi. Hech etiroz bildirmay 2-raqamli odam vazifasini bajarib keldi. Krishtanu ketganidan keyin esa...

SHu o'rinda kishining xayoliga beixtiyor Neymar keladi. Messining soyasida qolishdan qo'rqib, Parijga ketgan braziliyalik futbolchi bugun Leo bilan birgalikda Benzemasi bor "Real" qarshisida ojiz qoldi...