Nemanya Yovanovich: "Kubokda istalgan jamoa kuchli raqibni mag'lub etib qo'yishi mumkin"

"Uchrashuv boshida qiynaldik. Sababi birinchi liga klubi bizga qarshi bor kuchlari bilan o'ynashdi va bizdan kuchsiz emasliklarini ko'rsatishga urinishdi. Ammo maydonda biz klass borasida "Zomin"dan ustunroq edik. Raqib safida yoshlar ko'pligini ko'rdim, ularning kelajagi bor. Bir necha vaziyatlarda gol ura olmadik. Dublga erishdim? Barchasi oddiy, kerakli vaqtda kerakli joyda paydo bo'ldim. Serbiyada ham, O'zbekistonda ham barcha joyda kubok bu kubok. Unda kuchsiz jamoa kuchli raqibni mag'lub etib qo'yishi mumkin. Kubok xuddi lotoreyaga o'xshaydi, omad kelsa g'alaba qozonib ketasan", - deydi Nemanya Yovanovich.