"Neftchi" yangi futbolchilarni tanishtirdi (fotogalereya)

Tadbirda klub rahbari Komiljon Mirzaboev va Murod Ismoilov qatnashishdi.

Komiljon Mirzaboev: “Barchani yangi boshlanayotgan futbol mavsumi bilan tabriklayman. Yaqinlashayotgan mavsumda “Neftchi” jamoasi o'z oldiga yuqori o'rinlardan birini egallashni maqsad qilgan. SHu maqsadda kerakli ishlar olib borildi. Jamoamiz asosi tubdan yangilandi. Jamoaga yangi bosh murabbiy tayinladik, tarkibni kuchaytirish maqsadida klub transfer siyosatini jadallik bilan olib bordik.Jamoaga yangi kelib qo'shilganlarlarni bugun sizlarga tanishtirish uchun yig'ilib turibmiz. Ha aytgancha OAV xodimlari o'rtasida jamoamiz haqida turli gap-so'zlar yuribdi ekan. OAV xodimlarini oldida shuni aytishim mumkinki, ular uchun qo'ldan kelgan yordamni ayamaymiz. Jamoamizning o'z matbuot kotibi bor. U orqali o'yinchilar bilan aloqaga chiqishlaring mumkin. Agarda biron-bir futbolchi intervyu berishdan bosh tortadigan bo'lsa, bu masalada menga bemalol murojaat qilishlaring mumkin.

Murod Ismoilov: Marosimga yig'ilgan barchani yangi mavsum bilan qutlayman. Jamoamiz bu yil sovrinli o'rinlardan birini egallashni maqsad qilgan. SHu maqsadda tarkibni sezilarli darajada kuchaytirishga harakat qildik. Tarkibga Petkovich, Gvazava,Onika  singari legionerlarni jalb qildik. Bular qo'ygan maqsadimizga erishishda o'z yordamlarini ayashmaydi degan umiddaman.

Marosimda klubga kelib qo'shilgan yangi 13 futbolchi tanishtirildi va ularga raqamlar taqdim etildi:

Sardor Qobuljonov - 1,
Jahongir Jiyamurodov - 4,
Aleksandr Onika - 7,
Maksimiliyan Fomin
Aleksandr Kleckov - 13,
Zohid Abdullaev - 15,
Ro'zimboy Ahmedov - 22,
Igor Petkovich - 23,
Maruf Murodov 26,
Abdulloh Olimov - 28,
Ruslan Melziddinov - 29,
Jahongir Mehmonov - 32,
Sardor Rahmonov - 33,
Levani Gvazava - 77.


Komiljon Ikromov.