Nazorat uchrashuvi. "Oq-tepa" - O'zbekiston (U19) - 2:1

So'nggi oyda o'tkazilgan o'rtoqlik uchrashuvlarining deyarli barchasida mag'lubiyatga uchragan “Oq-tepa” bugun g'alaba qozondi. Sergey Lushan boshchiligidagi O'zbekiston yoshlar terma jamoasiga qarshi kechgan bahs 2:1 hisobida vakillarimiz foydasiga hal bo'ldi. Dastlab, birinchi bo'lim oxirlarida Alisher SHog'ulomovning ajoyib pasini hujumchi Xurshid Yo'ldoshev gol bilan yakunladi. Tanaffusdan so'ng Nikita Pavlenko juda chiroyli gol muallifiga aylandi. CHap qanotdan hujumga o'tgan yarim himoyachi 25 metrlardan darvozani nishonga oldi. Uchrashuv yakunlanishiga olti daqiqa qolganida hisob qisqardi. Terma jamoa hujumchisi Alisher Mirzaev jarima maydoni ichida chaqqon harakatlari bilan himoyachilarimizni dog'da qoldirib, darvozani ishg'ol qildi. Qolgan daqiqalarda hisob boshqa o'zgarmadi.

Eslatib o'tamiz, jamoamiz navbatdagi o'rtoqlik uchrashuvini ertaga Qozog'istonning “Bulat” klubiga qarshi o'tkazadi. Bellashuv “CHilonzor” suniy qoplamali maydonida bo'lib o'tadi. Bahs 16:00da boshlanadi.


Nazorat uchrashuvi
“OQ-TEPA” – O'ZBEKISTON yo.t.j. – 2:1 (1:0)
25 mart. Toshkent. “Oq-tepa” stadioni.
Bosh hakam: Igor Xudoydotov.
“Oq-tepa”: Asilbek Omonov (SHohruh Eshbo'taev, 76), Nodir Teshaboev, Doniyor Usmonov, Temur Turdiev (Sergey Rekun, 72), Said Topilov (SHohruh Pirnazarov, 74), Alisher SHog'ulomov, Sobir Usmonxo'jaev (Nodir Sadullaev, 72), Ildar Magdeev (Zokir Mirzaahmedov, 77), Xurshid Yo'ldoshev Xurramovich, Nikita Pavlenko, Temur Usmonov.
Gollar: Xurshid Yo'ldoshev Xurramovich, 42 – 1:0. Nikita Pavlenko, 68 – 2:0. Alisher Mirzaev, 84 – 2:1.