Nazorat uchrashuvi. "Olmaliq" - "Qizil-Jar" 3:2

Bu o'yin aslida jamoa rejasida yo'q edi. O'rtoqlik o'yini taklifi bo'lgach, jamoa rahbariyati bunga rozilik berdi. "Terek" bilan o'tgan bahsda ko'pgina futbolchilar maydonga tushishmagandi. Bu uchrashuvda asosan zaxirada qolgan futbolchilar harakatlanishdi. Bu gal tarkibga Islom Inomov, SHavkat Salomov, Temur G'aniev, Kamoliddin Murzoev va Nemanya Yovanovich kiritilmadi. Qiziqarli kechgan bahsda jamoamiz 3:2 hisobida g'alaba qozondi. 8-daqiqada Islom Isoqjonov hisobni ochgan bo'lsa, 15-daqiqada Abduqahhor Hojiakbarov hisobni ikkitaga oshirdi.

Ikkinchi taymning 60-daqiqasida "Qizil-Jar" vakillari hisobni qisqartirishdi. 79-daqiqada Isoqjonov o'z dublini nishonladi. O'yin yakunlanish arafasida raqib jamoa hisobni yana bittaga qisqartirishga erishdi. Darvoqe, "Qizil-Jar" jamoasini yurtimiz ishqibozlariga yaxshi tanish Vladimir Fomichyov boshqarmoqda.

O'yinda jamoamiz quyidagi tarkibda maydonga tushdi.

"Olmaliq": Nikita SHkvirin (Umidjon Xonimqulov, 46), Sarvar Jo'raev, Evgeniy Gogol (Adrian Kashkaval, 46), Salamat Quttiboev (Doniyor Ismoilov, 46), Abduqahhor Hojiakbarov, Jahongir Abdumo'minov (G'ulom O'runov, 46), Zohir Pirimov (Nikita Pavlenko, 70), Azamat Isroilov (Arslonmurod Amonov, 60), Muhammad Isaev, Diyor Turopov, Islom Isoqjonov.

Jamoamizning navbatdagi o'rtoqlik o'yini 25 fevral kuni Rossiya premer ligasi vakili "Mordoviya" jamoasiga qarshi o'tkaziladi.