"Navbahor" "Yangier"ni mag'lub etdi

O'yin raqibdan ancha tajribali bo'lgan Deyan Jurjevich shogirdlarining ustunliklarida o'tdi. Jumladan, birinchi bo'limdagi hujumlarning birida burchakdan oshirilgan to'pni tajribali hujumchi Aziz Ibragimov boshi darvozaga yo'naltirdi. Ammo zarba biroz noaniq chiqib, to'p darvoza ustuniga tegib qaytdi. Jamoamizning birinchi bo'limdagi ketma-ket hujumlari tanaffusga sanoqli daqiqalar qolganida o'z samarasini berdi.

Jamoamiz to'purari Aleksandr Kasyan nazorat bahsida ham o'z mahoratini namoyish etib, yangierliklar darvozasini aniq nishonga olib, “lochinlar”ning tanaffusga 1:0 hisobidagi g'alaba bilan chiqib ketishlarini taminladi.

Ikkinchi 45 daqiqalikda ham jamoamiz hujumkor o'yin namoyish etdi. SHunday hujumlarning birida Zafar To'raevning qaychi usulida darvozaga yo'llagan zarbasidan so'ng, to'p darvoza to'siniga tegib qaytdi.

O'yin yakunlanishiga sanoqli daqiqalar qolganida, jamoamiz azolari 11 metrli jarima zarbasi tepish huquqini qo'lga kiritishdi. Boisi, o'sha vaziyatda “Yangier” himoyachilari o'z jarima maydonchalari ichida Akrom Bahriddinovga nisbatan qo'pollik ishlatishgandi. Penaltini zaxiradan maydonga tushirilgan rossiyalik yarim himoyachi Ivan Solovyov aniq amalga oshirib, hisobdagi farqni oshirdi – 2:0.

SHu tariqa, “Navbahor” qatorasiga uchinchi o'rtoqlik uchrashuvida ham zafar quchdi.

Mazkur o'rtoqlik uchrashuvida jamoamiz tarkibida quyidagi futbolchilar harakat qilishdi: O'tkir Yusupov, Aziz Ibragimov, Slavko Lukich, Aleksandr Kasyan, Obid Jo'raboev, Mirzohid G'ofurov, Igor Golban, Jahongir Mehmonov, Nodir Mavlonov, Abbos G'ulomov, SHerzod Hakimov.

Zaxiradan maydonga tushganlar: Dilshod Hamroev, G'iyosjon Komilov, Ilhom Alijonov, Komil Tojiddinov, Akrom Bahriddinov, Zafar To'raev, Ivan Solovyov, Sardor Azimov, Hojiakbar Yunusov, Ilhom Aliboev.