"Navbahor": "Qizillar" va "Ko'klar" o'rtasidagi o'yin bo'lib o'tdi

Mazkur uchrashuvda jamoalar shartli ravishda “qizillar” va “ko'klar”ga ajratildi.

Jamoamiz azolari ushbu bahsda o'zlarining nimalarga qodirliklarini namoyish etishga harakat qilishgani bois, o'yin ancha shiddatli va keskin kurashlar ostida o'tdi.

Hisobni “ko'klar” ochishdi. Tajribali hujumchi SHerzod Hakimov jamoasining navbatdagi hujumini samarali tarzda yakunlab, O'tkir Yusupov qo'riqlayotgan darvozani aniq nishonga oldi – 0:1.

Muvozanatni tiklashga intilgan “qizillar” hujumkorlikni kuchaytirishdi. SHunday hujumlarning birini rossiyalik hujumchi Aleksandr Kasyan samarali tarzda yakunlab, hisobni tenglashtirishga muvaffaq bo'ldi – 1:1.

Natijada futbolchilar tanaffusga 1:1 hisobidagi durang hisobi bilan chiqib ketishdi.

Ikkinchi bo'lim ham ancha qiziqarli tarzda kechdi. Uchrashuvning 59-daqiqasida Ayubxon Nomanov jamoasini oldinga olib chiqdi – 1:2.

SHundan so'ng, “qizillar” hisobni tenglashtirishga intilishgan bo'lsa, “ko'klar” mustahkam himoyalangan holda, bunga yo'l qo'yishmadi hamda vaqti-vaqti bilan qarshi hujumga o'tib turishdi.

Ammo darvozalarga boshqa to'p kiritilmadi va “ko'klar” mazkur o'yinda 2:1 hisobida g'alaba qozonishdi.



“Qizillar” – “Ko'klar” – 1:2 (1:1)

“Markaziy” o'yingoh. 200 tomoshabin.

Hakamlar: G'ayrat Jo'raev, Rasuljon Fozilov, Denis Nexochin.

Gollar: A.Kasyan (35) – SH.Hakimov (20), A.Nomanov (59).

“Qizillar”: Dilshod Hamroev, Obid Jo'raboev, G'iyos Komilov, Hojiakbar Yunusov, Iskandar Siddiqjanov, Komil Tojiddinov, Azimjon Ahmedov, Ivan Solovyov, Aziz Ibragimov, Azizbek Turg'unboev, Aleksandr Kasyan.

Zaxiradan maydonga tushganlar: Mirzohid Mamatxanov, Qodir Ikromov, Yunusbek Abduvohidov.

“Ko'klar”: O'tkir Yusupov, Jahongir Mehmonov, Igor Golban, Mirzohid G'ofurov, SHahzod SHaymanov, Nodir Mavlonov, Ilhomjon Aliboev, Abdulhay Ismoilov, Abbos G'ulomov, Ayubxon Nomanov, SHerzod Hakimov.

Zaxiradan maydonga tushganlar: Husayn Ergashboev, Muhammad Sultonov.


“Navbahor” PFK matbuot xizmati.