"Navbahor": Namangandagi yig'in boshlandi

Jamoamizning dastlabki mashg'uloti “Dinamo” o'yingohida o'tkazildi. Tarkib xususida gap ketganida, jamoa safiga huquqiy jihatdan “Bunyodkor” futbol klubiga tegishli bo'lgan himoyachi Hasan Asqarov qo'shildi. 1994 yilning 17 aprelida tug'ilgan futbolchi o'tgan mavsum birinchi yarmini “Buxoro”da o'tkazib, davralar oralig'ida Samarqandning “Dinamo” klubiga ko'chib o'tgandi. Umumiy hisobda Asqarov 2015 yilgi chempionatda 23 ta o'yinda maydonga tushgan. Bugungi mashg'ulotlarda Oleksandr Pishur, Igor Golban, Xayrulla Karimov va Anvar Rajabovlar bosh murabbiydan ruxsat olganliklari uchun qatnashishmadi. Ertadan ushbu futbolchilar ham safga qo'shilishadi.