"Navbahor": Gavrish mashg'ulotga qo'shiladi

1986 yilning 18 martida tug'ilgan Vitaliy maydonda yarim himoyachi sifatida harakat qiladi. CHernigov shahrida tug'ilgan futbolchi faoliyatini 2002 yili “Desna” klubida boshlagan. 2007 yilga qadar ushbu jamoa safida 74 ta o'yinda maydonga tushib, raqiblar darvozasini 17 bor nishonga olgan. Gavrish 2007-2011 yillarda Alchevskning “Stal” (124 ta o'yin 23 ta gol) jamoasi sharafini himoya qilgan. 2007-2008 yilgi mavsumda Doneckning “Metallurg” jamoasi azosi sifatida harakat qilgan. Ammo, ushbu klub safida atigi ikkita o'yin o'tkazganligi sababli yana “Stal”ga qaytgan. 2011-2013 mavsumlarni “Aleksandriya” jamoasida o'tkazib, 30 ta uchrashuvda raqiblar darvozasini ikki bor nishonga olgan. 2013-2015 yillarda Zaporojening “Metallurg” klubida to'p surib, 44 ta o'yinda bitta golga mualliflik qilgan. Futbolchning so'nggi jamoasi “Goverla” jamoasi bo'lgandi.

Avval jamoamiz safiga serbiyalik futbolchini kelib qo'shilishi haqida xabar bergandik. Ammo, serbiyalik o'yinchi malum sabablarga yurtimizga kela olmaydigan bo'ldi. SHu sababli, uning o'rniga Vitaliy Gavrish chaqirildi. Gavrish murabbiylarda yaxshi taassurot qoldira olsa yangi mavsumda “Navbahor” sharafini himoya qiladi.