“Nasaf”: Yangi chempionat oldidan

Bahor faslining ilk oyi – martning 3-kunidan mamlakatimiz stadionlarida futbol bo'yicha XXVI O'zbekiston chempionati  o'yinlari boshlanadi.

O'zbekiston kumush medali (2011 yil) va o'n karra bronza medali sohibi, O'zbekiston kubogi sohibi (2015 yil) hamda O'zbekiston superkubogi (2016 yil) sohibi bo'lgan “Nasaf” jamoasi joriy chempionatning ilk uchrashuvini safarda “Qo'qon-1912” jamoasi bilan o'tkazadi.

Jamoa bu yil o'z tarixida 21-marta oliy ligada  ishtirok etadi.

“Nasaf” oliy ligada 1997 yildan ishitirokini boshlagan bo'lsa, hozirgacha 20 marta mamlakatimiz chempionatlarida ishtirok etdi. Ushbu chempionatlarda jami 588ta uchrashuv o'tkazildi. CHempionatlarda 330ta g'alaba, 112 durang va 146 marta mag'lubiyatga uchraldi. Futbolchilar raqiblar darvozasiga 1068ta to'p kiritishib, o'z darvoazasidan 667ta to'p olib chiqishgan. O'tkazilgan uchrashuvlarda 1102 ochko qo'lga kiritilgan. Quyidagi jadval orqali ana shu yutuqlar qaysi murabbiylar boshchiligida qo'lga kiritilganini bilib olasiz.

CHempionatlar	Yillar	Jamoalar  soni	Egallangan  o'rinlar	Murabbiylar
VI	1997	18	6	Viktor Borisov
VII	1998	16	5	Viktor Borisov
VIII	1999	16	11	Viktor Makarov
IX	2000	20	3	Bahrom Hakimov
X	2001	18	3	Bahrom Hakimov
XI	2002	16	4	Bahrom Hakimov
XII	2003	16	4	Bahrom Hakimov
XIII	2004	14	4	B.Hakimov, Z.Turaqulov
XIV	2005	14	3	Oleg Morozov, Z.Turaqulov
XV	2006	16	3	Bahrom Hakimov
XVI	2007	16	6	B.Hakimov, V.Ni, V.Fomichev
XVII	2008	16	9	V.Borisov, E.Gess, U.Toshev
XVIII	2009	16	3	Viktor Kumikov
XIX	2010	14	3	V.Kumikov, A.Demyanenko
XX	2011	14	2	A.Demyanenko
XXI	2012	14	4	R.Berdiev, U.Toshev, R.Berdiev
XXII	2013	14	3	Ro'ziqul Berdiev
XXIII	2014	14	3	Ro'ziqul Berdiev
XXIV	2015	16	3	Ro'ziqul Berdiev
XXV	2016	16	3	Ro'ziqul Berdiev

Tarkibdagi o'zgarishlar

O'tgan mavsum nihoyasiga etkach, jamoani 4 nafar futbolchi tark etdi. Tajribali yarim himoyachi Fozil Musaev Yaponiya klubiga o'tgan bo'lsa, Ildar Mamatkazin ham xorijda to'p tepadigan bo'ldi. Azamat Allaniyozov esa “Qizilqum”ga, SHuhrat Muhammatiev “Lokomotiv” jamoasi azosiga aylandi.

O'tgan mavsumning ikkinchi davrasida jamoa safida faoliyat yuritgan Ognen Krasich bilan shartnoma muddati uzaytirilmadi.

Bu yildan jamoa safiga tajribali himoyachi Akmal SHoraxmedov qo'shildi. Bungacha “Bunyodkor” jamoasida to'p tepgan futbolchi, milliy terma jamoa safida ham ko'plab maydonga tushganligi haqida bilasiz. SHuningdek bungacha o'rinbosarlar va quyi ligada ishtirok etgan jamoalaridan bir qator yosh futbolchilar asosiy tarkib o'yinchilariga aylanishdi.

Keyingi yillarda “Nasaf” klubi o'z tarkibini futbol maktabi tarbiyalanuvchilari hisobiga to'ldirib borishi klubning ustivor yo'nalishiga aylandi. Bu holat ko'pgina yosh futbolchilariga futbol maktabida olgan bilim va mahoratini katta futbolda sinab ko'rish imkonini yaratdi. Ularda asosiy tarkib o'yinchisiga aylanishiga katta ishonch ham paydo qildi. Hozirgi paytda “Nasaf”ning asosiy tarkibida ana shunday o'n uch nafar futbolchi borligi albatta quvonarli hol. Bundan tashqari yosh futbolchilariga endi evropaning etakchi klublari ham qiziqish bildirayotgani faxrlidir. Demak, “Nasaf” klubining futbol maktabi faoliyati to'g'ri yo'lga qo'yilgan va maktabda faoliyat yuritayotgan murabbiylarining mehnati o'z mevasini bera boshladi.

Xullas, jamoa tarkibi shakllantirildi. Endi futbolchilar klubi rahbariyati, murabbiylar va muxlislari ishonchini oqlashsa bo'ldi.

Yangi mavsum tayyorgarliklari

Yangi mavsum tayyorgarliklarini 2016 yil 20 dekabr kunidan boshlagan jamoa shu paytgacha nafaqat Qarshi shahrida balki xorijda ham yig'in o'tkazdi. Xorijiy yig'inda 6ta nazorat uchrashuvi o'tkazilib, unda asosan evropa klublari jamoaga sparring raqiblar bo'ldi. Xorijda o'tkazilgan nazorat uchrashuvlarining barchasida jamoaning qo'li baland keldi.

O'ylaymizki, jamoa uchun yangi mavsum tayyorgarliklari ko'ngildagidek o'tdi.

Maqsad va vazifalar

Jamoa oldidagi asosiy maqsad, avvalo futbol ishqibozlariga chiroyli va mazmunli o'yinlarni taqdim etish. Mamlakatimiz milliy terma jamoasi tarkibiga munosib o'yinchilar etkazib berish. Jamoa oldidagi vazifa hech qachon o'zgarmaydi. Bu mamlakat chempionatida yuqori natijaga erishish va O'zbekiston kubogini qo'lga kiritish. Bu orqali qitamizning klublar o'rtasidagi nufuzli musobaqasi - Osiyo chempionlar ligasiga yo'llanmani qo'lga kiritish. Jamoa ana shu maqsad va vazifalarni amalga oshirish uchun mamlakatimiz yashil maydonlarida kurash olib boradi.