Nagelsmann: "Bavariya" xavfli o'ynay olmadi"

"Bugun bizga so'nggi paslar etishmadi, shu sababli ko'plab hujumlarimiz oxirigacha etmay qoldi. Ikkinchi bo'limda "Bayer" agressiv o'ynadi va bizning xatolarimizni kutib, qarshi hujumlarni o'yladi. Bunday taktikaga qarshi o'yinlarda doimo etiborli bo'lib o'ynash kerak. Durang - adolatli natija.

Avtogol orqali shuni ko'rishimiz mumkinki, xattoki dunyoning eng yaxshi futbolchilari bilan ham bunday voqealar kuzatilib turadi. Afsuski, bizda ham shunday bo'ldi.

Biz qaror chiqarishda ko'p bora xatolikka yo'l qo'ydik, masalan, ayrim paytlarda oldinga pas berish o'rniga, ortga o'ynadik yoki to'xtab qoldik. Ammo endi buyog'iga hammasini to'g'ri qabul qilish va buning ustida ishlash kerak. Oldinda bizni muhim o'yinlar kutib turibdi", - dedi Nagelsmann.