MYU himoyachisi 12 yillik faoliyatidan so'ng klubdan ketadi

«MYU» 31 yoshli angliyalik himoyachi bilan shartnomani uzaytirmaslikka qaror qilgan. SHu tariqa, Jons erkin agentga aylanadi.

Fil Manchester klubiga Aleks Fergyuson davrida taklif etilgan bo'lib, 2011 yildan asosiy jamoada faoliyat boshlagandi. U o'tgan vaqt davomida klub bilan 6ta sovrin yutgan, jumladan APL va Evropa ligasida g'olibligini qo'lga kiritgan.

Fil Jons joriy mavsum jamoa safida birorta ham o'yin o'tkazmadi. U so'nggi marta 2022 yilning may oyida maydonga tushgan edi.

Malumot uchun, Fil «MYU» safida jami 229 o'yinda maydonga tushib, 6ta gol va 10ta assistga mualliflik qilgan.