Mxitaryan Rimda qolishi mumkin

“Roma” Genrix Mxitaryan ijarasini yana bir yilga uzaytirishga umid qilmoqda. Futbolchining transfer huquqi “Arsenal”ga tegishli.

Londonliklar armanistonlik futbolchini sotib yuborish payiga tushgan. “To'pchilar” uning transferi uchun 25 mln evro so'ramoqda. “Roma” esa buncha pul to'lash imkoniyatiga ega emas. SHuning uchun ijara muddatini cho'zishga umid bog'lagan. Klub Genrixning bir mavsumlik ijarasi uchun 3 mln evro to'lashga tayyor.

31 yoshli futbolchi joriy mavsum “Roma” safida 17 ta o'yinda qatnashib, 6 ta gol urdi va 4 ta golli uzatmani amalga oshirdi.