Muxlislar Messidan Maskerano "Barselona" safidagi birinchi gol urishi uchun imkon berishini so'rashmoqda

Maskerano "Selta"ga qarshi bahsdan (6:1) so'ng, jamoada o'tkazgan o'yinlari soni bo'yicha Kataloniya klubi sobiq himoyachisi Ronald Kumanga etib oldi. Ammo Kumandan farqli o'laroq, Maskerano hozirgacha "Barselona" safida birorta ham gol urgani yo'q.

Muxlislar futbolchining erishga muvaffaqiyatlarini hisobga olib, bu nohaqlik deb hisoblashdi. Ular jamoa hujumchisi Lionel Messiga yuzlanishdi:

"Messi, Maskerano gol urishi uchun imkon bering. U "Barselona"ning haqiqiy yulduziga aylandi deb hisoblaymiz. Xaver jamoa uchun juda ko'p ishlarni amalga oshirdi va u kerakli hurmatga sazovor bo'lmayapti deb o'ylaymiz. Buning uchun Maskerano penalti tepishiga qo'yib bersangiz".