Kerrik "Manchester Yunayted" futbolchisini yil o'yinchisi sovriniga loyiq deb biladi

Maykl Kerrik futbolchilarga munosib baho berib, ular ham mukofotlarga loyiq deb hisoblamoqda.

"Manchester Yunayted" bosh murabbiyi jamoa sardori Brunu Fernandeshni PFA talqiniga ko'ra, mavsumning eng yaxshi o'yinchisi sovriniga nomzod sifatida ko'rsatdi:

"Menimcha, u fantastik mavsum o'tkazmoqda. Men ovoz beradigan futbolchilar ko'p emas, lekin men o'z ovozimni unga berardim. U jamoamizga katta tasir ko'rsatib, maydonda o'zini isbotladi va bu kabi muhokamalarda ishtirok etishga munosib.

Albatta, men u bu sovrinni qo'lga kiritishini istardim. Bu klubda nima bo'layotgani, jamoa qanday o'ynayotgani va Brunu qanday o'yin namoyish etayotgani ko'p narsani anglatadi. Yakun qanday bo'lishini ko'ramiz, lekin hozirgi paytda men undan juda mamnunman", – dedi Kerrik.