Murod Toshmatov: "Lokomotiv"ga qarshi o'yinda "So'g'diyona"ga omad tilayman"

Murod Toshmatov bir necha mavsum davomida So'g'diyona tarkibida o'zining yorqin o'yinlari bilan muxlislar qalbidan joy olishga erishdi, desak xato bo'lmas. M.Toshmatov yangi mavsumni Bekobodning Metallurg jamoasida boshladi. So'g'diyonaning kechagi o'rinbosarlari o'yinidan keyin maydonda asosiy tarkib futbolchilari mashg'ulot o'tkazishdi. Mashg'ulotga tashrif buyurgan M.Toshmatov sobiq jamoadoshlari bilan iliq suhbatlashdi. Biz fursatdan foydalanib jamoamizning sobiq futbolchisidan ertangi o'yin haqidagi fikrlari bilan qiziqdik:

- Murodjon, ertangi Lokomotiv - So'g'diyona uchrashuvi haqidagi fikrlaringiz qanday?
- Xudo xohlasa ertaga So'g'diyona jamoasi imkoni boricha ochko olishga harakat kiladi, uyga ochko bilan kaytish menimcha jamoaning asosiy maqsadi, sobiq jamoadoshlarimga fakat omad tilayman.

- Lokomotiv haqida…
- Lokomotiv haqida nima deyishim mumkin: aniq biron narsa deya olmayman. 40% - 60% ! Agar So'g'diyona jamoaviy o'yini namoyish eta olsa, bir musht bo'lib o'ynay olishsa, albatta ochko oladi.