Mourinyu: “Neapolga bir kishi kam bo'lib keldik. Eldor – fantastik yigit”
29 jan 2023 08:40
Yangiliklar

Mourinyu: “Neapolga bir kishi kam bo'lib keldik. Eldor – fantastik yigit”

Joze Mourinyu bugun tunda o'tadigan (00:45) “Napoli”ga qarshi bahs oldidan matbuot anjumanida qatnashib, “Roma” hujumchisi Eldor SHomurodov ijaraga ketayotganini tasdiqladi.

O'zbekiston MTJ sardori tibbiy ko'rikdan o'tish uchun “Speciya” qarorgohiga kelgani haqida xabar bergandik.

“Ha, Neapolga bir kishi kam bo'lib keldik.
Eldor – fantastik yigit, u o'ynashi kerak, ammo bu erda unchalik ko'p imkoniyatlar bo'lmadi.
U 6 oylik ijaraga muhtoj va bunga loyiq. Hozir Eldor bizni tark etmoqda, balki yarim yildan keyin qaytib kelar. Bu bosqichda uning o'yin amaliyotiga ega bo'lishi muhim. Uning o'rniga kimnidir olamizmi? Yo'q, moliyaviy feyr-pley bunga imkon bermaydi”, degan portugaliyalik mutaxassis.

Eslatib o'tamiz, SHomurodov rimliklar safida qatorasiga 6 o'yindan beri maydonga tushirilmayotgandi. U joriy mavsum klub miqyosida 8 uchrashuvda ishtirok etib, bitta gol urishga erishdi.

Havola :

Manba : Championat.asia

Yangiliklarni Telegramda o'qing!

Reyting: -3