Mirjalol Qosimov: “Qizilqum” Braziliyaga aylanib ketdi, sababi...”
08 sen 2017 22:57
Yangiliklar

Mirjalol Qosimov: “Qizilqum” Braziliyaga aylanib ketdi, sababi...”

“Qizilqum” – “Bunyodkor” (3:3) uchrashuvidan keyin dastlab “qaldirg'ochlar” ustozi Mirjalol QOSIMOV o'yin haqidagi fikrlari bilan o'rtoqlashdi.

“Bugun bir tomondan qiziqarli, bir tomondan tushunarsiz o'yin bo'ldi. Ikkita gol urib oldinda borishimizga qaramay, ikkinchi bo'limni juda yomon o'tkazdik. Umuman o'ynay olmadik. Echinish xonasida ham yigitlarga 90 daqiqa o'ynash kerakligini aytdim. Yigitlar to'xtab qolishdi. “Qizilqum” esa harakat qilib, kerakli natijaga erishdi. O'ylaymanki, bugun ikki ochko yo'qotdik. Birinchi bo'limdan keyin yigitlar “uch ochkoni qo'lga kiritdik” deb o'ylashdi.

Tanaffusda yigitlarga birinchi bo'limdagi xatolarini ko'rsatib, ikkinchi bo'limda ham xuddi shunday o'ynab, yana gol urish kerakligini takidlagandim. CHunki turnir jadvalida to'plar nisbatimizni ham yaxshilashimiz kerak edi.

O'yin oxirida “Qizilqum” Braziliyaga aylanib ketdi (kulib)... Sababi biz o'ynamay qo'ydik”, deya o'z fikrlarini bildirib o'tdi Mirjalol QOSIMOV.

"Qizilqum" matbuot xizmati.

Havola :

Manba : championat.asia

Yangiliklarni Telegramda o'qing!

Reyting: +40