Mirjalol Qosimov: "Bu yutuq faqat meniki emas"

Biz murabbiyning fikrlari bilan qiziqdik.

"Berilgan mukofot bir o'zimning yutug'im emas. Jamoamiz, yordamchilarim va shogirdlarimning yutug'idir. Sababi muxlislarga yoqadigan o'yinlarni aynan shogirdlarim ko'rsatishmoqda. Bu sovrin yanada izlanishga undaydi. Eng yaxshi bo'lganim bizni to'xtatib qo'ymaydi.

O'zbekiston kubogiga qura tashlash marosimi ilk bor TV orqali jonli efirda namoyish etildi. Bu albatta shaffoflikka qo'yilgan qadam.

Kubokda bizga Jizzaxning "So'g'diyona" klubi raqib bo'ldi. Biz har bir o'yinda chiroyli o'yin ko'rsatib finalga qadar etib borishni maqsad qilib qo'yganmiz. Barchasini vaqt ko'rsatadi", - deydi mart oyining eng yaxshi murabbiyi Mirjalol Qosimov.