“Metallurg”: “Neftchi” bilan durang o'ynadik, endi "Buxoro" bilan kuch sinashamiz

Rejaga binoan raqib Farg'onaning “Neftchi” jamoasi bo'ldi. Murabbiylar qo'l ostilaridagi barcha o'yinchilarni maydonda sinab ko'rishlari uchun o'rtoqlik uchrashuvi bitta taymdan, ikkita o'yindan tashkil etishga kelishib olishdi.
 
Qiziqarli, murosasiz ruhda o'tgan o'yinda hisob ochilmadi. Har ikkala jamoa murabbiylari futbolchilarning bugungi kundagi holatidan qoniqish hosil qilishdi. Ikkinchi davraga tayyorgarlik jarayoni ko'ngildagidek ketayotganligi takidlashdi.

“Metallurg” birinchi taymda maydonga quyidagi tarkibni tushirdi: Mamur Ikromov, Hikmat Hoshimov, Doniyor Odilov, Aleksandr Kovalev, Davronbek Karimqulov, Alisher Ziyovuddinov, Maruf Murodov, SHuhrat Yo'ldoshev, Sunnatilla Mamadaliev, Murodjon Toshmatov, SHahzodbek Nurmatov.

Ikkinchi taymdagi tarkib quyidagicha ko'rinish oldi: Suhrobjon Sultonov, Saidkomil Akbarov, Jasur Ahmedov, Dilmurod Karimov, Murodjon Toshmatov ( Mirg'iyos Sulaymonov), Said Abdujabborov, Nozimjon Esonov, Alisher Ziyovuddinov, SHohnazar Norbekov, Mirto'ra Akbarov, Zohid Abdullaev.

“Metallurg” keyingi ko'rik uchrashuvini 22 iyul kuni “Buxoro” jamoasiga qarshi maydonga chiqadi.