Messi va boshqa futbolchilar Sampaoli bilan janjallashgan ekan

Bu haqda argentinalik jurnalist Ariel Senosian o'z kitobida yozgan.

Jurnalistning yozishicha, Xorvatiyaga qarshi JCH-2018 guruh bosqichi uchrashuvidan (0:3) so'ng, futbolchilar Sampaoli va uning ikki yordamchisi bilan uchrashuv uyushtirishgan. 15 daqiqadan kamroq davom etgan uchrashuvda futbolchilar o'z etirozlarini bildirishgan.

"Asabiylashsangiz, futbolchilar buni his qiladi. Siz bizga aytayotganlaringizni tushunmayapmiz. Boshqa sizga ishonmaymiz" - dedi futbolchilar.

Sampaoli quyidagicha javob qaytardi: "Siz o'zingiz shug'ullanib, tarkibni tanlab, qolgan ishlarni ham bajarmoqchimisiz?".

O'sha paytda suhbatga Messi qo'shildi: "Siz mendan kimni tarkibda ko'rishni istashimni o'n marta so'radingiz. Birorta familiyani aytganim yo'q. Bu ishni qilmaganimni hammani oldida gapiring".

Xonada 23 futbolchi va murabbiylardan tashqari Argentina futbol federaciyasi prezidenti Klaudio Tapia ham bor edi va u ham Sampaoliga murojaat qildi: "Taslim bo'laqoling".

Eslatib o'tamiz, Xorvatiyaga qarshi bahsdan so'ng, Nigeriya bilan o'yin uchun tarkibni futbolchilarning o'zlari tanlagani aytildi. Argentinaliklar bu uchrashuvda 2:1 hisobida g'alaba qozonishdi, biroq 1/8 finalda ular Franciyaga 3:4 hisobida taslim bo'lishdi. JCH-2018dan so'ng Sampaoli milliy jamoa bilan shartnomani bekor qildi.