Messi Busketsga: "Sen har doim 5-raqamda o'ynagansan, ammo futbolchi va inson sifatida har doim 10 eding"

Xabar berilganidek, Serxio Buskets ushbu mavsum yakunida "Barselona"ni tark etadi. Futbolchining o'zi ham bu narsani elon qildi. Jamoaning boshqa bir afsonasi Lionel Messi esa o'z qadrdon do'stining ushbu qaroriga munosabat bildirdi.

"Maydonda sen har doim 5-raqamda o'ynagansan, ammo futbolchi va inson sifatida har doim [10 dan] 10 eding, Busi. 

Yangi bosqichda senga eng yaxshisini tilayman. Umuman, har doim sen va oilangga eng yaxshisini tilab qolaman.

Senga barchasi – maydondagi va maydon tashqarisidagi onlar uchun rahmat. Biz sen bilan birgalikda juda ajoyib lahzalarni, qiyin damlarni boshdan o'tkazdik. Bu xotiralar abadiy qoladi. Qattiq quchib qolaman", -deb yozadi Lionel Messi o'zining instagram sahifasida. 

Malumot uchun, Serxio Buskets "Barsa" safida — 3 tadan CHempionlar Ligasi, Klublar o'rtasidagi JCH, 8 karra La Liga chempioni, 3 karra UEFA Superkubogi, 7 martadan Ispaniya Kubogi va Superkubogini qo'lga kiritgan.