Messi "Barsa" uchun 750-o'yinini o'tkayapti (to'liq statistika)

Bu 33 yoshli futbolchi uchun katalon jamoasi tarkibidagi 750-rasmiy o'yin bo'lsa, La Ligadagi 500-si hisoblanadi.

Messi bu borada Xavining natijasiga yaqinlashib qoldi. 1998-2015 yillarda "ko'k-anorranglilar" sharafini himoya qilgan ispaniyalik xavbek klub uchun 767 o'yin o'tkazgan (La Ligada 505 ta).

Messi "Barsa"ning eng yaxshi to'purari hisoblanadi. Uning hisobida 644 ta gol bor.

Bundan tashqari, argentinalik forvard La Ligadagi g'alabalar (368), gollar (451), asosiy tarkibda boshlangan o'yinlar (444) va chempionlik titullari (10) bo'yicha katalon futbolchilari orasida rekordchi hisoblanadi. U "Barselona" tarkibida 2004 yilda (17 yosh) deyut qilgan edi.

Qo'shimcha qilish kerak, Messi La Ligada 500 ta o'yin o'tkazgan ispaniyalik bo'lmagan birinchi futbolchiga aylandi.