Mbappening onasi PSJ bilan muzokara olib bormoqda

Manbaning xabariga ko'ra, 23 yoshli franciyalik futbolchining onasi PSJ prezidenti Nosir Al Xelayfi va Qatar amiri Tamim bin Hamad Al Tani bilan uchrashgan.

Qayd etilishicha, tomonlar hozirda bitimning moliyaviy shartlarini muhokama qilmayapti. Parij klubining yakuniy taklifi 50 million evro maosh va 100 million evrolik bonuslardan iborat ikki yillik shartnoma bo'lib qolmoqda.

SHu bilan birga, hujumchining atrofidagilar klub unga CHempionlar ligasida g'alaba qozonish uchun sharoit yarata olish-olmasligini bilmoqchi.

Joriy mavsumda Mbappe parijliklar safida barcha musobaqalarda 41 ta o'yinda maydonga tushib, 33 ta gol urdi va 22 ta golli uzatmani amalga oshirdi. Uning klub bilan shartnomasi 2022 yilning 30 iyuniga qadar mo'ljallangan.