Mbappe: "PSJda ekanligimdan baxtiyorman"

Qo'shib berilgan vaqtda Kilian Mbappe tomonidan kiritilgan to'p parijliklarga Madrid klubiga qarshi o'yinda 1:0 hisobida g'alaba keltirdi. Xabaringiz bor, jamoalar endi 9 mart kuni Ispaniya poytaxtida javob uchrashuvida to'qnash kelishadi. 

"Juda xarsandman. Biz juda yaxshi o'yin o'tkazdik va qoniqish hosil qildik. Ikkinchi o'yin oldidan ustunlik biz tomonda. Neymar menga uzatma berdi, men esa jarima maydonchasiga tezlik bilan yorib kirishga muvaffaq bo'ldim. Himoyachilar ortda qolishdi va men darvozabonning oyoqlari orasi tomon zarba berishimni aniq bilardim.

"Real" kabi jamoa hech qachon taslim bo'lmaydi. Bu uchrashuvda natijaga erisha olmadi, ammo javob uchrashuvida boshqacha harakat qiladi. Biz 9 martga tayyorgarlik ko'rishimiz kerak. Men bor etiborimni futbolga qaratmoqchiman. Odamlar ko'p narsa haqida gapirishadi, hech narsani bilmasdan, mish-mish tarqatishadi. To'g'risi, men bor diqqat-etiborimni jamoaga yordam berishga qaratganman. PSJda ekanligimdan baxtiyorman", – dedi Mbappe.