Mbappe o'tgan yozda "Real"ga o'tishni rad etgani uchun Peresdan uzr so'radi
03 iyu 2023 13:38
Yangiliklar

Mbappe o'tgan yozda "Real"ga o'tishni rad etgani uchun Peresdan uzr so'radi

PSJ hujumchisi Kilian Mbappe "Real" prezidenti Florentino Peresdan o'tgan yozda erkin agent sifaida o'tishdan bosh tortgani uchun kechirim so'radi, deb xabar berdi "Relevo".

2022 yilda Mbappe "Real"ga o'tishi mumkin edi, ammo so'nggi lahzada PSJ bilan shartnomasini uzaytirdi.

Nashrning yozishicha, Madridning "Real" klubi prezidenti futbolchining kechirimini qabul qilgan. Klub yana hujumchi transferiga ko'z tikdi.

Qayd etilishicha, Peres jamoada ayni damda dunyoning eng yaxshi hujumchilari deb hisoblagan Vinisius Junior, Rodrigo va Mbappe uchligini yaratmoqchi.

Avvalroq 24 yoshli franciyalik parijliklar bilan shartnomani 2024/25 yilgi mavsumgacha uzaytirish variantini faollashtirmagani, bu esa unga 2024 yilda erkin agent bo'lish imkonini berishi haqida xabar berilgandi.

Mbappe joriy mavsum PSJ safida barcha turnirlarda 42 ta o'yinda maydonga tushib, 40 ta gol va 10 ta golli uzatmaga mualliflik qildi. Transfermarkt portaliga ko'ra futbolchining narxi 180 million evroga baholanmoqda.

Havola :

Manba : Relevo

Yangiliklarni Telegramda o'qing!

Reyting: +9