Matich: "Har uch kunda o'ynaymiz, ammo "CHelsi" bunga tayyor"

"Bu o'yinda g'alaba qozonish muhim edi. Yutsang o'zingi yaxshiroq his qilasan.

Maydonda biz xavfliroq ko'rindik. Menimcha, endi ruhan ham kuchliroqmiz. Bosim odatdagidan kuchliroq edi, chunki bizda bor-yo'g'i 4 ochko bo'lgan, ammo vaziyatni to'g'ri qabul qildik. Biz bir jamoa bo'lib o'ynadik va bu hali boshlanishi.

Ikki o'yinda 6ta gol urdik va birorta gol o'tkazib yuborganimiz yo'q. SHu ruhda davom etish lozim. Endi o'yinlar har uch kunda bo'ladi, lekin "CHelsi" bunga tayyor. Qiziq bo'ladi! Ko'ramiz, nimaga qodir ekanmiz. Biz keyingi uch uchrashuvda ham g'alaba qozona olishimiz mumkin" - deydi Matich.