Masharipov o'g'li bilan, zerikkan Oston, oshpaz Derdiyok va futzalchi SHorahmedov. Karantin vaqtida futbolchilarimiz nima qilishmoqda?

SHunday bo'lsada, futbolchilar ijtimoiy tarmoqlar orqali nimalar bilan band bo'lishayotgani haqida ko'rsatib borishmoqda.

“Paxtakor” futbolchilari uylarida o'zlari individual tarzda shug'ullanishmoqda. Klub ularga barcha sharoitlarni yaratib bergan. Jaloliddin Masharipov uyda shug'ullanmoqda va bo'sh vaqtida farzandi bilan futbol tomosha qilmoqda.

“Surxon” jamoasi futbolchisi Asror G'ofurov ham yakka tartibda mashqlarni bajarmoqda va oila davrasida maroqli hordiq chiqarmoqda.

“Nasaf” darvozaboni Umidjon Ergashev o'tgan mavsumda jiddiy jarohat orttirib olgandi. SHu bo'yicha hali safga qaytganicha yo'q. Iqtidorli posbon tiklanish mashqlarini davom ettirmoqda.

“Paxtakor”ning shvecariyalik futbolchisi Eren Derdiyok bo'sh vaqtini oila davrasida o'tkazmoqda. U mashg'ulotdan bo'sh vaqtida oila azolariga taom pishirib bermoqda. Buni quyidagi suratdan ham sezish qiyin emas.

Toshkentning “Lokomotiv” jamoasi darvozaboni Javohir Ilyosov bo'sh vaqtini oilasi bag'rida mazmunli o'tkazishga harakat qilmoqda. U instagram sahifasiga aqlni charhlovchi mozayka yasayotgan rasmini joyladi. Iqtidorli posbon uyda mashg'ulotlarni olib bormoqda va sport formasini yo'qotmaslikka jiddiy etibor qaratmoqda.

AGMK himoyachisi Akmal SHorahmedov va farzandlari karantin tartibiga to'liq rioya qilgan holda uyda yakka tartibda jismoniy yuklamali mashg'ulotlarni bajarib, mini-futbolda o'z imkoniyatlarini chamalashmoqda.

"Ufa" yarim himoyachisi Oston O'runov esa zerikkanini ochiqchasiga yozib qoldirgan.

Agar sizda ham futbolchilarning karantin vaqtidagi rasmlari bo'lsa telegram orqali https://t.me/chamasia ga yuboring